ମୁମ୍ବାଇ: ଇଡି (Enforcement Directorate) ପଞ୍ଝାରେ ମହାରାଷ୍ଟ୍ର ପରିବହନ ମନ୍ତ୍ରୀ । ମହାରାଷ୍ଟ୍ର ମନ୍ତ୍ରୀ ତଥା ଶିବ ସେନା ନେତା ଅନିଲ ପରବଙ୍କ ଘରେ ରେଡ ମାରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ମୁମ୍ବାଇ ଓ ପୁଣେ ସ୍ଥିତ ତାଙ୍କର ୭ଟି ଠିକଣା ଉପରେ ଇଡି ରେଡ୍ କରିଥିବା ସୂଚନା ମିଳିଛି। ମନି ଲଣ୍ଡରିଂ ମାମଲାରେ ଏହି ଚଢ଼ାଉ ହୋଇଛି ।
ସୂଚନାଅନୁସାରେ, ଶିବସେନା ନେତା ଅନିଲ ପରବଙ୍କ ବିରୋଧରେ ସିବିଆଇରେ ଅଭିଯୋଗ କରିଥିଲେ । ବର୍ତ୍ତମାନ ଇଡିର ରେଡ ଜାରି ରହିଛି । ରାଜ୍ୟ ପରିବହନ ମନ୍ତ୍ରୀ ଅନିଲ ପରବ ତାଙ୍କ ଘରେ ଉପସ୍ଥିତ ଅଛନ୍ତି । ଇଡି ଦ୍ବାରା ଏହା ଏକ ବଡ କାର୍ଯ୍ୟାନୁଷ୍ଠାନ ନିଆଯାଇଥିବା ଚର୍ଚ୍ଚା ହେଉଛି । ବିଜେପି ନେତା କୀର୍ତ୍ତି ସୋମିୟା ଅନିଲ ପରବଙ୍କ ନାମରେ ଅଭିଯୋଗ କରିଥିଲେ । ଦୋପାଲି ରିସର୍ଟରେ ଥିବା ଅନିଲଙ୍କ ସମ୍ପତ୍ତି ଉପରେ ମଧ୍ୟ ଛାପା ମାରିଛି ଇଡି ।