ଶିବସେନା ନେତା ସଞ୍ଜୟ ରାଉତଙ୍କୁ ଗିରଫ କଲା ED

ଶିବସେନା ନେତା ସଞ୍ଜୟ ରାଉତ ଗିରଫ । ଗତକାଲି ସନ୍ଧ୍ୟାରେେ ଅଟକ ରଖିବା ପରେ କାର୍ଯ୍ୟାଳୟ ଆଣିଥିଲା ତଦନ୍ତକାରୀ ସଂସ୍ଥା । ଆଜି ପୂର୍ବାହ୍ନରେ କୋର୍ଟ ଚାଲାଣ ସମ୍ଭାବନା । ଅଧିକ ପଢନ୍ତୁ

ମୁମ୍ବାଇ: ଶିବସେନା ନେତା ସଞ୍ଜୟ ରାଉତଙ୍କୁ ଗିରଫ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ(ED) । ଗତକାଲି ତଦନ୍ତକାରୀ ସଂସ୍ଥା ସଞ୍ଜୟଙ୍କୁ ଅଟକ ରଖିବା ପରେ ଗିରଫ ସମ୍ଭାବନା ବଢିଥିଲା । ରବିବାର ତାଙ୍କୁ ଦୀର୍ଘ 16 ଘଣ୍ଟା ମାରାଥାନ ଜେରା ପରେ ଗତକାଲି ମଧ୍ୟରାତ୍ରୀରେ ଗିରଫ କରିଛି ତଦନ୍ତକାରୀ ସଂସ୍ଥା । ଗତକାଲି ପୂର୍ବାହ୍ନରେ ପ୍ରବର୍ତ୍ତନ ନିର୍ଦ୍ଦେଶାଳୟ ରାଉତଙ୍କ ବାସଭବନରେ ଚଢାଉ କରିଥିଲା । ପ୍ରାୟ 7 ଘଣ୍ଟାର ଚଢାଉ ପରେ ତାଙ୍କୁ ତଦନ୍ତକାରୀ ସଂସ୍ଥା ତାଙ୍କୁ କାର୍ଯ୍ୟାଳୟ ନେଇ ଜେରା କରିଥିଲା ।

ସଞ୍ଜୟ ରାଉତଙ୍କୁ ଗିରଫ କଲା ED

ତାଙ୍କୁୁ କୌଣସି ମୁହୂର୍ତ୍ତରେ ଗିରଫ କରାଯିବା ନେଇ ସନ୍ଦେହ କରାଯାଉଥିବା ବେଳେ ମଧ୍ୟରାତ୍ରୀରେ ତାଙ୍କୁ ଇଡି ଗିରଫ କରିଛି । ଆଜି ପୂର୍ବାହ୍ନରେ ତାଙ୍କୁ କୋର୍ଟ ଚାଲାଣ କରାଯିବା ନେଇ ମଧ୍ୟ ସୂଚନା ରହିଛି । ପାତ୍ରଚାଲ ଲ୍ୟାଣ୍ଡ ସ୍କାମ (Patrachal land scam)ରେ ପ୍ରବର୍ତ୍ତନ ନିର୍ଦ୍ଦେଶାଳୟର ତଦନ୍ତ ପରିସରରେ ରହିଛନ୍ତି ଶିବସେନା ମୁଖପାତ୍ର ତଥା ରାଜ୍ୟସଭା ସଞ୍ଜୟ ରାୱତ ଓ ତାଙ୍କ ପତ୍ନୀ ।