ସିମଲା: ଭୂକମ୍ପ ଝଟକାରେ ଥରିଲା ହିମାଚଳପ୍ରଦେଶ । ଚାମ୍ବା ଜିଲ୍ଲାରେ ଆଜି ସକାଳ ପାଖାପାଖି 5ଟା 54ରେ ଭୂକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୨.୬ ଆକଳନ ହୋଇଛି । କୌଣସି କ୍ଷୟକ୍ଷତିର ସୂଚନା ନାହିଁ ।
ଏହାପୂର୍ବରୁ ଜୁଲାଇ 15ରେ ରାଜଧାନୀ ସିମଲାରେ ଭୂକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଭୂକମ୍ପର ତୀବ୍ରତା 3.6 ଥିଲା । ଭୂକମ୍ପ ଦୃଷ୍ଟିକୋଣରୁ ହିମାଚଳରେ ସେସ୍ମିକ ଜୋନ ଚାରି ଏବଂ ପାଞ୍ଚରେ ଆସିଥାଏ । କାଙ୍ଗ୍ରା, ଚାମ୍ବା, ଲାହୋଲ୍, କୁଲୁ ଏବଂ ମାଣ୍ଡି ଆଦି ସ୍ଥାନ ଭୂକମ୍ପ ସମ୍ବେଦନଶୀଳ ଅଞ୍ଚଳ ଅଟେ । ଏହି ଅଞ୍ଚଳଗୁଡିକ ଭୂକମ୍ପ ଜୋନ୍ ପାଞ୍ଚ ଅଧୀନରେ ଥିବାବେଳେ ରାଜ୍ୟର ଅନ୍ୟାନ୍ୟ ଅଞ୍ଚଳ ଚତୁର୍ଥ ଜୋନରେ ରହିଛି ।