ନୂଆଦିଲ୍ଲୀ:ଦୁବାଇରେ ଅବତରଣ କଲା ଭାରତୀୟ ବାୟୁସେନାର ଲାଇଟ କମ୍ବାକ୍ଟ ଏୟାରକ୍ରାଫ୍ଟ ତେଜସ । ଦୁବାଇରେ ହେବାକୁ ଥିବା ଏୟାର ଶୋ-୨୦୨୧ ରେ ଭାଗ ନେବା ପାଇଁ ଏହି ୩ ତେଜସ ବିମାନ ଦୁବାଇରେ ଅବତରଣ କରିଛନ୍ତି ।
ଏହି ୩ ତେଜସ ବିମାନ ଭାରତୀୟ ବାୟୁସେନାର ୧୮-ସ୍କ୍ବାର୍ଡନରେ କାର୍ଯ୍ୟରତ ଥିବାବେଳେ ଦୁବାଇରେ ହେବାକୁ ଥିବା ୫ ଦିନିଆ ଏୟାର ଶୋ ୨୦୨୧ରେ ଭାଗ ନେବେ । ତେଜସ ସମେତ ଭାରତୀୟ ବାୟୁସେନାର ଅନ୍ୟ କିଛି ଲଢୁଆ ବିମାନ ମଧ୍ୟ ଏଥିରେ ଅଂଶ ଗ୍ରହଣ କରିବେ ।
ନଭେମ୍ବର 14ରୁ ଦୁବାଇ ଅଲ ମକ୍ତମ ଅନ୍ତର୍ଜାତୀୟ ବିମାନ ବନ୍ଦରରେ ଅନୁଷ୍ଠିତ ହେବାକୁ ଥିବା ୫ଦିନିଆ ଦ୍ବିପାକ୍ଷିକ ଦୁବାଇ ଏୟାର ଶୋ ୨୦୨୧ ରେ ଭାରତୀୟ ବାୟୁସେନାର ସ୍ବଦେଶୀ ନିର୍ମିତ ଓ ବିକଶିତ ଯୁଦ୍ଧ ବିମାନ ତେଜସ୍ ପ୍ରଥମ ଥର ପାଇଁ ନିଜର କୌଶଳ ପ୍ରଦର୍ଶନ କରିବ । ସେହିପରି 18 ତାରିଖରେ ସୂର୍ଯ୍ୟକିରଣ ଏୟାର ଶୋ ଟିମ ମଧ୍ୟ ଏଥିରେ ଅଂଶଗ୍ରହଣ କରିବାର କାର୍ଯ୍ୟସୂଚୀ ରଖାଯାଇଛି ।