ଥିରୁଅନନ୍ତପୁରମ: ଆଗକୁ 4 ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ହେବାକୁ ଯାଉଛି ବିଧାନସଭା ନିର୍ବାଚନ । କେରଳରେ ମଧ୍ୟ ନିର୍ବାଚନକୁ ନେଇ ଜାରି ରହିଛି କଡା ଟକ୍କର । ଭିନ୍ନ ଭିନ୍ନ ରଙ୍ଗରେ ସଜେଇ ହେଉଛି ନିର୍ବାଚନୀ ମୈଦାନ। କେଉଁଠି ମିଠା ତ ଆଉ କେଉଁଠି ପିଠାରେ ରହିଛି ରାଜନୀତିର ପୁର । ତେବେ କେରଳର କୋଲମ ବେଳାଭୂମିରେ ଦେଖିବାକୁ ମିଳିଛି ଏଭଳି କିଛି ଖାସ ରଙ୍ଗ, ଯେଉଁଠି ମିଳୁଛି ରାଜନୈତିକ ଦଳର ଦଳୀୟ ଚିହ୍ନରେ ତିଆରି ଗରମ ଦୋଷା ।
ଗରମ ଦୋଷାରେ ଦଳୀୟ ଚିହ୍ନର ତଡ୍କା, ଭୋଟରଙ୍କୁ କରୁଛି ଆକୃଷ୍ଠ
କେରଳ କୋଲାମ ଜିଲ୍ଲାର ଏକ ଦୋଷା ଷ୍ଟଲରେ ମିଳୁଛି ଦଳୀୟ ଚିହ୍ନ ଓ ପ୍ରାର୍ଥୀଙ୍କ ମୁହଁରେ ଚିତ୍ରିତ ଦୋଷା । ଗରମ ଦୋଷାରେ ଅଙ୍କା ଯାଇଥିବା ସୌନ୍ଦର୍ଯ୍ୟପୂର୍ଣ୍ଣ ଦଳୀୟ ପ୍ରତୀକ ଏବଂ ପ୍ରାର୍ଥୀଙ୍କ ଚେହେରା ଜନସାଧାରଣଙ୍କର ବେଶ ଧ୍ୟାନ ଆକର୍ଷଣ କରୁଛି । କୋଲାମ ବେଳାଭୂମି ରାସ୍ତାରେ ଥିବା '101 ଭେରାଇଟି ଦୋଷା' ଷ୍ଟଲରେ ଏବେ ଦେଖିବାକୁ ମିଳୁଛି ଲୋକଙ୍କ ଭିଡ ।