ପ୍ରଧାନମନ୍ତ୍ରୀ ମୋଦିଙ୍କ ଚା' ଦୋକାନ ଭ୍ରମଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ଗୁଜୁରାଟ ଗସ୍ତ କରିଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭଦାନଗର ରେଲୱେ ଷ୍ଟେସନ ପରିଭ୍ରମଣ କରିଛନ୍ତି । ଏଠାରେ ପ୍ରଧାନମନ୍ତ୍ରୀ ମୋଦିଙ୍କ ଚା' ଦୋକାନ ବୁଲି ଦେଖିବା ସହ ସେ ବେଶ ଖୁସିବ୍ୟକ୍ତ କରିଛନ୍ତି । ଅଧିକ ପଢନ୍ତୁ

ଗାନ୍ଧୀନଗର: କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁଜୁରାଟ ଗସ୍ତରେ ରହିଛନ୍ତି । ସେ ଶନିବାର ଭଦାଗନର ରେଲୱେ ଷ୍ଟେସନରରେ ଥିବା ଏକ ଐତିହାସିକ ଟି ଷ୍ଟଲ ବା ଚା' ଦୋକାନ ପରିଭ୍ରମଣ କରିଛନ୍ତି । ଏହି ଚା' ଦୋକାନରୁ ହିଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ପ୍ରେରଣାଦାୟୀ ଜୀବନ ସଂଘର୍ଷର ଆରମ୍ଭ କରିଥିଲେ । ଏହି ଚା' ଦୋକାନ ପରିଭ୍ରମଣ କରିବା ପରେ ଧର୍ମେନ୍ଦ୍ର ବେଶ ଖୁସିବ୍ୟକ୍ତ କରିଛନ୍ତି ।

ଏ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟୁଇଟ କରି କହିଛନ୍ତି, " ଯେଉଁଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ପ୍ରେରଣାଦାୟକ ଜୀବନ ଯାତ୍ରା ଆରମ୍ଭ କରିଥିଲେ ସେହି ରାସ୍ତାରେ ପରିଭ୍ରମଣ କରିବା ଅତ୍ୟନ୍ତ ଗର୍ବ ଓ ଗୌରବର ବିଷୟ । ଭଦାନଗର ରେଳ ଷ୍ଟେସନରେ ଥିବା ଚା' ଦୋକାନ ଯେଉଁଠାରେ ପ୍ରଧାନମନ୍ତ୍ରୀ ମୋଦି ଅତି ନିଷ୍ଠା, ସାହସ ଏବଂ ପରିଶ୍ରମର ସହିତ ତାଙ୍କ ପିତାଙ୍କୁ ସାହାଯ୍ୟ କରିଥିଲେ ।"

ଭଦାନଗରର ଏହି ସ୍ଥାନ ଏବଂ ଏହି ଐତିହାସିକ ଚା' ଦୋକାନ ଯେଉଁଠି ପ୍ରଧାନମନ୍ତ୍ରୀ ମୋଦି ନିଜ ପିତାଙ୍କୁ ଅନେକ ବର୍ଷ ଧରି ସାହାଯ୍ୟ କରିଆସୁଥିଲେ । ଏହି ସ୍ଥାନ ଏବେ ଅନେକଙ୍କ ପାଇଁ ପ୍ରେରଣାଦାୟୀ ସ୍ଥାନ । ଏ ନେଇ ଧର୍ମେନ୍ଦ୍ର କହିଛନ୍ତି ଭଦାନଗରର ଏହି ସ୍ଥାନ ଏକ ଗୌରବ ବହନ କରୁଛି । ଏଠାରେ ଚା' ବିକ୍ରି କରୁଥିବା ଜଣେ ବ୍ୟକ୍ତି ଆଜି ଦେଶର ମୁଖ୍ୟ ହୋଇଥିବା ବେଳେ ବିଶ୍ବ ନେତା ମଧ୍ୟ ହୋଇପାରିଛନ୍ତି ।

ଏହା ପ୍ରଧାନମନ୍ତ୍ରୀ ମୋଦିଙ୍କ ପ୍ରେରଣାଦାୟୀ ଜୀବନ କାହାଣୀକୁ ବୟାନ କରୁଛି । ଏହି ସ୍ଥାନ ଭ୍ରମଣ କରିବା ସମୟରେ କେନ୍ଦ୍ରମନ୍ତ୍ରୀଙ୍କ ସହିତ ଅନ୍ୟ ଅଧିକାରୀ ମଧ୍ୟ ଉପସ୍ଥିତ ଥିଲେ । ସେ ଏହି ସ୍ଥାନ ପରିଭ୍ରମଣ କରିବା ପରେ ବେଶ ଖୁସିବ୍ୟକ୍ତ କରିଥିବା ଦେଖିବାକୁ ମିଳିଥିଲା । ଏହା ପୂର୍ବରୁ ସେ ଭଦାନଗରରେ ଥିବା ହଟକେଶ୍ବର ମହାଦେଭ ମନ୍ଦିରରେ ଦର୍ଶନ କରିଥିଲେ । ଏହାସହିତ ଭଗବାନଙ୍କ ଆଶୀର୍ବାଦ ଭିକ୍ଷା କରିବା ସହ ସଭିଙ୍କ ଖୁସି କାମନା କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ