କୋଲକାତା:ଗତ କିଛି ଦିନ ଧରି ପଶ୍ଚିମବଙ୍ଗ ସଚିବାଳୟ ଏବଂ ରାଜଭବନ ମଧ୍ୟରେ ଚାଲିଥିବା ବିବାଦ ଓ ସାମ୍ବିଧାନିକ ଅସ୍ଥିରତାକୁ ଦୂର କରିବା ପାଇଁ ରାଜ୍ୟପାଳ ଜଗଦୀପ ଧନଖରଙ୍କ ପକ୍ଷରୁ ଆଗ୍ରହ ପ୍ରକାଶ ପାଇଛି । ଆଜି ଉକ୍ତ ପ୍ରସଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଆଲୋଚନା କରିବା ପାଇଁ ରାଜଭବନକୁ ରାଜ୍ୟପାଳ ଧନଖର ନିମନ୍ତ୍ରଣ କରିଛନ୍ତି । ତେବେ ରାଜ୍ୟପାଳଙ୍କ ନିମନ୍ତ୍ରଣ ପ୍ରସ୍ତାବ ଉପରେ ମୁଖ୍ୟମନ୍ତ୍ରୀ ମମତାଙ୍କ ପକ୍ଷରୁ କୌଣସି ପ୍ରତିକ୍ରିୟା ରଖାଯାଇନାହିଁ ।
ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚଳିତ ସପ୍ତାହ ମଧ୍ୟରେ ଯେକୈଣସି ସୁବିଧାଜନକ ସମୟରେ ରାଜଭବନରେ ଆସି ଆଲୋଚନା ପାଇଁ ନିମନ୍ତ୍ରଣ କରିଛନ୍ତି ରାଜ୍ୟପାଳ ଧନଖର । ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳ ଲେଖିଥିବା ଚିଠି ପୋଷ୍ଟ କରିବା ସହ ରାଜ୍ୟରେ ଲାଗି ରହିଥିବା ସାମ୍ବିଧାନିକ ଅସ୍ଥିରାତା ଦୂର କରିବା ପ୍ରସଙ୍ଗରେ ଉଭୟ ପକ୍ଷ ଆଗ୍ରହ ଗେଖାଇବା ଜରୁରୀ ବୋଲି ଟ୍ବିଟରେ କହିଛନ୍ତି ରାଜ୍ୟପାଳ ଧନଖର ।