ନୂଆଦିଲ୍ଲୀ:ଚୀନରେ ବିମାନ ଦୁର୍ଘଟଣା ପରେ ଘଟଣାକୁ ନେଇ ଗମ୍ଭୀରତା ପ୍ରକାଶ କରିଛି ବେସାମରିକ ବିମାନ ଚଳଚଳ ମନ୍ତ୍ରଣାଳୟ । DGCA ଭାରତରେ ବ୍ୟବହାର କରାଯାଉଥିବା ବୋଇଂ 737ର ପ୍ରକାରର ବିମାନର ଉଡାଣ ଉପରେ ସ୍ବତନ୍ତ୍ର ନଜର ରଖାଯାଇଥିବା କହିଛି DGCA । DGCA ମୁଖ୍ୟ ଅରୁଣ କୁମାର କହିଛନ୍ତି, ବିମାନ ସୁରକ୍ଷା ଏକ ଗମ୍ଭୀର ପ୍ରସଙ୍ଗ । ତେଣୁ ଚୀନରେ ଘଟିଥିବା ଦୁର୍ଘଟଣାକୁ ଅତି ନିକଟରୁ ଅଧ୍ୟୟନ କରାଯାଉଛି ।
ସେହିପରି ଭାରତରେ ସେବା ଯୋଗାଉଥିବା 737 ବର୍ଗର ବିମାନ ଉପରେ ନଜର ମଧ୍ୟ ରଖାଯାଇଛି । ଚୀନ୍ର ଗୁଆଙ୍ଗସିରେ 132 ଯାତ୍ରୀଙ୍କୁ ନେଇ ଉଡାଣ ଭରିଥିବା ବିମାନରେ MU5735 ବିମାନ ହଠାତ ଦୁର୍ଘଟଣାର ଶିକାର ହୋଇଥିଲା । ତେବେ ଏକାଧିକ ଭିଡିଓରୁ ଦୁର୍ଘଟଣା କାରଣ ସମ୍ପର୍କରେ କିଛି ସୂଚନା ମିଳିପାରିନଥିବା ବେଳେ ସନ୍ଦେହ ମଧ୍ୟ ବଢୁଛି ।