ଲକ୍ଷ୍ନୌ : ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କ ପରିବାର ସହିତ ବାରାଣାସୀ ଆସିବା ପରେ ରାଷ୍ଟ୍ରପତି ଶ୍ରୀ କାଶୀ ବିଶ୍ବନାଥ ମନ୍ଦିରରେ ଦର୍ଶନ କରିଛନ୍ତି । ବାବା ବିଶ୍ବନାଥଙ୍କୁ ପୂଜାର୍ଚ୍ଚନା କରିବା ନିର୍ମାଣାଧୀନ ବିଶ୍ବନାଥ କରିଡର ଯାଞ୍ଚ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତିଙ୍କ ଏହି କାଶି ଗସ୍ତବେଳେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉପସ୍ଥିତ ରହିବା ସହ ପୁରା ଯୋଜନା ବିଷୟରେ ରାଷ୍ଟ୍ରପତିଙ୍କୁ ସୂଚନା ଦେଉଥିବା ମଧ୍ୟ ଦେଖିବାକୁ ମିଳିଥିଲା ।
ଏହା ପରେ ରାଷ୍ଟ୍ରପତି ଦାଶସ୍ବାମୀ ଘାଟରେ ଆୟୋଜିତ ହେବାକୁ ଥିବା ନିୟମିତ ଗଙ୍ଗା ଆଳତୀରେ ପହଞ୍ଚିଥିଲେ ଯେଉଁଠାରେ ସେ 1 ଘଣ୍ଟାରୁ ଅଧିକ ସମୟ ଉପସ୍ଥିତ ଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ଅନ୍ୟ ବିଶିଷ୍ଠ ବ୍ୟକ୍ତି ମାନେ ମଧ୍ୟ ରାଷ୍ଟ୍ରପତିଙ୍କ ସହ ଉପସ୍ଥିତ ରହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ।