ଜୟପୁର: ଭାରତ ଏବଂ ଫ୍ରାନ୍ସ ମଧ୍ୟରେ 5 ଦିନିଆ ଡେଜର୍ଟ ନାଇଟ୍ - 21 ଅଭ୍ୟାସ ଆରମ୍ଭ ହୋଇଛି । ଏନେଇ ଫ୍ରାନ୍ସ ବାୟୁସେନାର ରାଫେଲ ବୁଧବାର ଅପରାହ୍ନରେ ଆଫ୍ରିକୀୟ ଦେଶ ଜିବୁଟିରେ ଅବସ୍ଥାପିତ ଫ୍ରାନ୍ସ ଏୟାରବେସରୁ ଯୋଧପୁର ଅଭିମୁଖେ ଯାତ୍ରା କରିଥିଲେ। ଆଜି ଭାରତ ଏବଂ ଫ୍ରାନ୍ସ ମଧ୍ୟରେ ଅଭ୍ୟାସର ଦ୍ବିତୀୟ ଦିନ । ଏଠାରେ ଦୁଇ ଦେଶର ରାଫେଲ ଆକାଶରେ ନିଜ ଶକ୍ତି ପ୍ରଦର୍ଶନ କରିବେ ।
ଯୋଧପୁର ଏୟାରବେସରେ ଅବତରଣ କରିଥିବା ଫ୍ରାନ୍ସର 4 ରାଫେଲ ଗୁରୁବାର ଭାରତୀୟ ରାଫେଲ ସହିତ ପଶ୍ଚିମ ସୀମାକୁ ଯିବେ। ଏହି ସମୟ ମଧ୍ୟରେ ସେମାନେ ପୋଖରାନ୍ ଫାୟାରିଂ ଏବଂ ଚାନ୍ଧନ ଫାୟାରିଂ ରେଞ୍ଜରେ ଟାର୍ଗେଟ୍ କରିବେ । ପ୍ରକାଶଥାଉକି, ବୁଧବାର ସନ୍ଧ୍ୟାରେ ଉଭୟ ଦେଶର ଲଜିଷ୍ଟିକ୍ ଦଳ ଏନେଇ ଆଲୋଚନା କରିଥିଲେ। ଏହି ଅଭ୍ୟାସରେ ଭାଗ ନେବାକୁ ଅମ୍ବାଲାର ଭାରତୀୟ ରାଫେଲ ମଧ୍ୟ ଯୋଧପୁରରେ ପହଞ୍ଚିଛନ୍ତି। ବୁଧବାର ଭାରତୀୟ ରାଫେଲ ଯୋଧପୁରର ଆକାଶରେ ଦେଖିବାକୁ ମିଳିଥିଲା। ଏହା ବ୍ୟତୀତ ଅନେକ କାର୍ଗୋ ବିମାନ ମଧ୍ୟ ବୁଧବାର ଯୋଧପୁରରେ ପହଞ୍ଚିଛି।