ନୂଆଦିଲ୍ଲୀ:ଗଣତନ୍ତ୍ର ଖାଲି ଏକ ବ୍ୟବସ୍ଥା ନୁହେଁ ତାହା ଭାରତର ପ୍ରକୃତି ଓ ଏକ ପ୍ରାକୃତିକ ପ୍ରବୃତ୍ତି । ଭିଡିଓ କନଫରେନ୍ସିଂ ଜରିଆରେ ଶିମଲା ଠାରେ ଆୟୋଜିତ 82ତମ ଅଲ ଇଣ୍ଡିଆ ପ୍ରିଜାଇଡିଂ ଅଫିସର୍ସ କନଫରେନ୍ସର ଉଦଘାଟନୀ ଅଧିବେଶନରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଗାମୀ ଦିନରେ ଦେଶକୁ ଏକ ନୂଆ ଶିଖରରେ ପହଞ୍ଚାଇବାକୁ କହିଛନ୍ତି ମୋଦି ।
ସେ ଆହୁରି କହିଛନ୍ତି, ଦେଶକୁ ସଫଳତାର ଶିଖରରେ ପହଞ୍ଚାଇବାକୁ ହେଲେ ଆମକୁ ଏକଜୁଟ ହୋଇ କାମ କରିବାକୁ ପଡିବ । ଆସାଧାରଣ ଲକ୍ଷ୍ୟକୁ ହାସଲ କରିବାକୁ ପଡିବ । ଏହା କେବଳ ସବକା ପ୍ରୟାସ ଦ୍ବାରା ଫଳପ୍ରଦ ହେବ । ଲୋକତନ୍ତ୍ରରେ ଭାରତୀୟ ଗଣତନ୍ତ୍ର ବ୍ୟବସ୍ଥାରେ ଯେତେବେଳେ ଆମେ ସବକା ପ୍ରୟାସର କଥା କହୁ ସବୁ ରାଜ୍ୟର ଭୂମିକା ସବୁଠୁ ବଡ ଆଧାର ହୋଇଥାଏ ବୋଲି କହିଛନ୍ତି ମୋଦି । ବିଗତ ଦିନରେ ଦେଶ ଯେଉଁ ସଫଳତା ହାସଲ କରିଛି ରାଜ୍ୟଗୁଡିକ ଏକ ପ୍ରମୁଖ ଭୂମିକା ଗ୍ରହଣ କରିଛି । କୋରୋନା ବିରୋଧୀ ଲଢେଇରେ ଦେଶ ଯେଉଁ ସଫଳତା ପାଇଛି ତାହା ସବକା ପ୍ରୟାସର ଏକ ଉଦାହରଣ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।