ନୂଆଦିଲ୍ଲୀ:ଜଣାଶୁଣା ହାର୍ଡଓ୍ବେର ମେକିଂ ଟେକ୍ନୋଟୋଜି କମ୍ପାନୀ ଡେଲ (Dell) 6650 କର୍ମଚାରୀଙ୍କୁ ଛଟେଇ କରିବ । ଆଜି (ସୋମବାର) ଏନେଇ ସଂସ୍ଥା ପକ୍ଷରୁ ଘୋଷଣା କରାଯାଇଛି । କମ୍ପାନୀ ନିଜ ବୈଶ୍ବିକ ମାନବ ସମ୍ବଳର ମୋଟ 5 ପ୍ରତିଶତ ହ୍ରାସ କରିବାକୁ ନିଷ୍ପତ୍ତି ନେଇଛି । ବର୍ତ୍ତମାନ ବଜାରର ସ୍ଥିତିକୁ ଦେଖି କମ୍ପାନୀ ତାର ଖର୍ଚ୍ଚ ହ୍ରାସ କରିବାକୁ ଯୋଜନା କରିଛି । ଫଳରେ ପ୍ରଥମେ ମାନବ ସମ୍ବଳ ହ୍ରାସ କରିବାକୁ ସଂସ୍ଥା ନିଷ୍ପତ୍ତି ଗ୍ରହଣ କରିଛି ।
କମ୍ପାନୀର ସହ-ମୁଖ୍ୟ ପରିଚାଳନା ଅଧିକାରୀ ଜେଫ କ୍ଲାର୍କ ନିଷ୍ପତ୍ତି ସମ୍ପର୍କରେ ଘୋଷଣା କରିବା ସହ କହିଛନ୍ତି, ବର୍ତ୍ତମାନର ସ୍ଥିତିକୁ ଦେଖି କର୍ମଚାରୀଙ୍କ ସଂଖ୍ୟାରେ ହ୍ରାସ କରିବାକୁ ନିଷ୍ପତ୍ତି ହୋଇଛି । ସେହିପରି କର୍ମଚାରୀଙ୍କୁ ମିଳୁଥିବା ପୂର୍ବ ଆନୁସଙ୍ଗୀକ ବ୍ୟବସ୍ଥା ମଧ୍ୟ ହ୍ରାସ କରାଯିବ । ବର୍ତ୍ତମାନ ସଂସ୍ଥା ପାଖରେ ସମଗ୍ର ବିଶ୍ବରେ ଥିବା ମାନବ ସମ୍ବଳର ମୋଟ 5 ପ୍ରତିଶତ ଅର୍ଥାତ 5650 କର୍ମଚାରୀଙ୍କୁ ସେବା ନିବୃତ୍ତ କରିବ ସଂସ୍ଥା । କମ୍ପାନୀର ପ୍ରବକ୍ତା ମଧ୍ୟ ନିଷ୍ପତ୍ତି ଏହି ସମ୍ପର୍କରେ ସୂଚନା ଦେଇଛନ୍ତି ।