ନୂଆଦିଲ୍ଲୀ:ପଞ୍ଜାବୀ ଗାୟକ ତଥା କଂଗ୍ରେସ ନେତା ସିଦ୍ଧୁ ମୁସେୱାଲା ହତ୍ୟାକାଣ୍ଡ ଘଟଣାରେ ପୋଲିସ କବ୍ଜାରେ ଆଉ ଦୁଇ ସୁଟର । ଆଜି ହତ୍ୟାକାଣ୍ଡରେ ସମ୍ପୃକ୍ତ ଦୁଇ ସୁଟରଙ୍କୁ ଗିରଫ କରିଛି ଦିଲ୍ଲୀ ପୋଲିସ ସ୍ପେଶାଲ ସେଲ । ଉଭୟଙ୍କ ଠାରୁ ଅତ୍ୟାଧୁନିକ ରାଇଫଲ ଓ ବିପୁଳ ଗୁଳିଗୋଳା ଜବତ କରାଯାଇଛି । ପ୍ରାଥମିକ ପଚରାଉଚରାରୁ ଉଭୟ ହତ୍ୟକାଣ୍ଡରେ ପ୍ରତ୍ୟେକ୍ଷ ସମ୍ପୃକ୍ତ ଥିବା ପୋଲିସ ସ୍ପଷ୍ଟ କରିଛି ।
ପୂର୍ବରୁ ଗିରଫ ହୋଇଥିବା ଅଭିଯୁକ୍ତଙ୍କ ଠାରୁ ଏହି ଦୁହିଁଙ୍କ ସମ୍ପର୍କରେ ତଥ୍ୟ ପାଇଥିଲା ଘଟଣାର ତଦନ୍ତ କରୁଥିବା ଦିଲ୍ଲୀ ପୋଲିସର ସ୍ପେଶାଲ ସେଲ । ଆଜି ପୂର୍ବ ସୂଚନା ଅନୁସାରେ ଉଭୟଙ୍କୁ ଧରିବାରେ ସଫଳ ହୋଇଛି ପୋଲିସ । ଏହି ବହୁଚର୍ଚ୍ଚିତ ଘଟଣାରେ ବର୍ତ୍ତମାନ ସୁଦ୍ଧା ସୁଟର ଓ ହତ୍ୟାକାଣ୍ଡର ସହଯୋଗୀଙ୍କୁ ନେଇ ଅନେକଙ୍କୁ ଗିରଫ କରାଯାଇ ସାରିଲାଣି ।