ଚଣ୍ଡିଗଡ: ପଞ୍ଜାବୀ ଗାୟକ ତଥା କଂଗ୍ରେସ ନେତା ସିଦ୍ଧୁ ମୁସେୱାଲା ହତ୍ୟାକାଣ୍ଡର ବଢିବାରେ ଲାଗିିଛି ଗିରଫଦାରୀ । ଆଜି ଏହି ମାମଲାରେ ହରିୟାଣାର ଫତୈହାବାଦରେ ଚଢାଉ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି ଦିଲ୍ଲୀ ପୋଲିସ । ଅଭିଯୁକ୍ତଙ୍କ ମଧ୍ୟରେ ଜଣେ ହୋଟେଲ ମାଲିକ ମଧ୍ୟ ରହିଛନ୍ତି । ହତ୍ୟାକାଣ୍ଡ ଘଟଣାଇବା ପରେ ଉକ୍ତ ହୋଟେଲରେ ସୁଟରମାନେ ଆତ୍ମଗୋପନ କରିଥିବା ସୁରାକ ପାଇଥିଲା ଦିଲ୍ଲୀ ପୋଲିସ ।
ଏହା ପୂର୍ବରୁ ଦିଲ୍ଲୀ ପୋଲିସ ହରିୟାଣାର ହିସାର ଅଞ୍ଚଳରେ ଚଢାଉ କରି ସେଠାରୁ ଦୁଇ ଅଭିଯୁକ୍ତଙ୍କୁ ଗିରଫ ରଖିଥିଲା । ଗିରଫ ଦୁଇ ଅଭିଯୁକ୍ତ ସମ୍ପର୍କରେ ଦୁଇ ଭାଇ ଓ ସେମାନେ ହତ୍ୟାକାଣ୍ଡରେ ସାମିଲ ଥିବା ନେଇ ପୋଲିସ ପାଖରେ ସୂଚନା ଥିଲା । ଗିରଫ ପରେ ସେମାନଙ୍କ ନିକଟରୁ ମାରଣାସ୍ତ୍ର ମଧ୍ୟ ଜବତ କରାଯାଇଥିଲା ।