ଚଣ୍ଡିଗଡ: ଶେଷରେ ବାଜି ମାରିଲା ଦିଲ୍ଲୀ ପୋଲିସ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଧମକ ଦେବା ଅଭିଯୋଗରେ ଗିରଫ କରି ତଜିନ୍ଦରପାଲ ସିଂ ବାଗାଙ୍କୁ ମୋହାଲି ନେଉଥିବା ବେଳେ କୁରୁକ୍ଷେତ୍ରରେ ପଞ୍ଜାବ ପୋଲିସକୁ ଅଟକାଇ ଥିଲା ହରିୟାଣା ପୋଲିସ । ମାତ୍ର କୁରୁକ୍ଷେତ୍ରରୁ ପଞ୍ଜାବ ଓ ହରିୟାଣ ପୋଲିସ କଳି ମଧ୍ୟରେ ଦିଲ୍ଲୀ ପୋଲିସର ଏକ ଟିମ ତଜିନ୍ଦରପାଲ ସିଂ ବାଗାଙ୍କୁ ନେଇ ଦିଲ୍ଲୀ ଫେରୁଛି ।
ଏହା ବି ପଢନ୍ତୁ:Tajinder Bagga Arrested: କୁରୁକ୍ଷେତ୍ରରେ ପଞ୍ଜାବ ପୋଲିସକୁ ଅଟକାଇଲା ହରିୟାଣା ପୋଲିସ
ଏପଟେ ପଞ୍ଜାବ ପୋଲିସ ଏହାକୁ ବିରୋଧ କରି ଚଣ୍ଡିଗଡ ହୋଇକୋର୍ଟଙ୍କ ଦ୍ବାରସ୍ଥ ହୋଇଛି । ସୂଚନା ଅନୁସାରେ, ବିଜେପି ନେତା ତଜିନ୍ଦରପାଲ ସିଂ ବାଗାଙ୍କୁ ଆଜି ପଞ୍ଜାବ ପୋଲିସ ଦିଲ୍ଲୀ ବାସଭବନରୁ ତାଙ୍କୁ ଗିରଫ କରିଥିଲା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଧମକ ଦେବା ଅଭିଯୋଗରେ ଗିରଫ କରି ତଜିନ୍ଦରପାଲ ସିଂ ବାଗାଙ୍କୁ ମୋହାଲି ନେଉଥିବା ବେଳେ କୁରୁକ୍ଷେତ୍ରରେ ପଞ୍ଜାବ ପୋଲିସକୁ ଅଟକାଇଥିଲା ହରିୟାଣା ପୋଲିସ ।
ତେବେ ଏହି ଘଟଣା ପରେ ବିଜେପିକୁ ଟାର୍ଗେଟ କରିଛି ଆପ୍ । ଦଳ ପ୍ରେସ୍ ମିଟ କରି ପଞ୍ଜାବରେ ଘଟିଥିବା ବିଭିନ୍ନ ହିଂସା ପାଇଁ ତଜିନ୍ଦରପାଲ ସିଂ ବାଗାଙ୍କୁ ଘେରିଥିବା ବେଳେ ଜବାବ ଦେଇଛି ବିଜେପି । ଏହି ମାମଲାକୁ ରାଜନୈତିକ ରଙ୍ଗ ଦିଆଯାଉଥିବା କହିଛି ବିଜେପି ।
ବ୍ୟୁରୋ ରିପୋର୍ଟ, ଇଟିଭି ଭାରତ