ହାଇଦ୍ରାବାଦ:ଦିଲ୍ଲୀ ସୁଲତାନପୁରୀ କାଞ୍ଝାଓ୍ବଲା କାର ଟ୍ରାଜେଡି ମାମଲାରେ(kanjhawala hit and run case) ତଦନ୍ତର ଦିଗ ବଢିବା ସହ ନୂଆ ନୂଆ ଚାଞ୍ଚଲ୍ୟକର ତଥ୍ୟ ମଧ୍ୟ ସାମ୍ନାକୁ ଆସିବାରେ ଲାଗିଛି । ଘଟଣାର ଏକମାତ୍ର ପ୍ରତ୍ୟେକ୍ଷଦର୍ଶୀ ତଥା ସେଦିନ ମୃତ ଅଞ୍ଜଳିଙ୍କ ସହ ସ୍କୁଟିରେ ଦୁର୍ଘଟଣାର ଶିକାର ହୋଇଥିବା ନିଧିଙ୍କ ସମ୍ପର୍କରେ ମିଳିଛି ଚାଞ୍ଚଲ୍ୟକର ତଥ୍ୟ । ଯାହା ଏହି ଘଟଣାକୁ ନିଶା କାରବାର ମୋଡ ଦେବା ପରି ସ୍ଥିତି ସୃଷ୍ଟି କରିଛି । ପୂର୍ବରୁ ଗଞ୍ଜେଇ କାରବାର ମାମଲାରେ ନିଧି (kanjhawala case witness nidhi) ଗିରଫ ହୋଇ ଜେଲ ମଧ୍ୟ ଯାଇସାରିଥିବା ପୋଲିସ ତଦନ୍ତରୁ ଜଣାପଡିଛି ।
ଘଟଣାର ତଦନ୍ତର ଅଗ୍ରଗତି ସହ ଏହି ତଥ୍ୟ ଲୋକଲୋଚନକୁ ଆସିଛି । ନିଧି 2020 ଡିସେମ୍ବର 6 ତାରିଖରେ ଏକ ଗଞ୍ଜେଇ କାରବାର ମାମଲାରେ ଗିରଫ ହୋଇଥିଲେ । ସେତେବେଳେ ଆଗ୍ରା କ୍ୟାଣ୍ଟନମେଣ୍ଟ ରେଳବାଇ ପୋଲିସ ଏହି ଗିରଫଦାରୀ କରିଥିଲା । ରେଳବାଇ ପୋଲିସ ଏସପି ମୋ.ମୁସ୍ତାକ ଦେଇଥିବା ସୂଚନା ଅନୁସାରେ, 2020ରେ ନିଧିଙ୍କ ସମେତ 2ଯୁବକଙ୍କୁ ମିଶାଇ ମୋଟ 3 ଜଣଙ୍କୁ ଗିରଫ କରାଯାଇଥିଲା । ସେମାନଙ୍କ ନିକଟରୁ ପ୍ରାୟ 30 କେ.ଜି ଗଞ୍ଜେଇ ମଧ୍ୟ ଜବତ କରାଯାଇଥିଲା ।