ନୂଆଦିଲ୍ଲୀ:ରାଜଧାନୀ ଦିଲ୍ଲୀରେ ଏକ VIP BMW କାର୍ ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ଦିଲ୍ଲୀର ବସନ୍ତ କୁଞ୍ଜ ଇଲାକାରେ ଏହି ମର୍ମନ୍ତୁତ ଦୁର୍ଘଟଣା ଘଟିଛି । ସୂଚନା ମୁତବାକ ଏହି ଅଞ୍ଚଳରେ ଏକ BMW କାର୍ର ଅଚାନକ ଟାୟର ଫାଟି ଯାଇଥିଲା (Cyclist dies after being hit by BMW with VIP plate) । କାର୍ଟି ନିୟନ୍ତ୍ରଣ ହରାଇ ଜଣେ ସାଇକେଲ ଆରୋହୀଙ୍କୁ ଧକ୍କା ଦେଇଥିଲା ।
କାର୍ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ, VIP BMW ଚାଳକ ଅଟକ - VIP BMW ଚାଳକ ଅଟକ
ଦିଲ୍ଲୀରେ ଏକ VIP BMW କାର୍ ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି(Cyclist dies after being hit by BMW with VIP plate) । ଦିଲ୍ଲୀର ବସନ୍ତ କୁଞ୍ଜ ଇଲାକାରେ ଏହି ମର୍ମନ୍ତୁତ ଦୁର୍ଘଟଣା ଘଟିଛି । ଅଧିକ ପଢ଼ନ୍ତୁ
କାର୍ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ, VIP BMW ଚାଳକ ଅଟକ
ଘଟଣାସ୍ଥଳରେ ସାଇକେଲ ଆରୋହୀ ଜଣକ ଗୁରୁତର ଆହତ ହୋଇ ପଡ଼ିଥିଲେ । ଗୁରୁତର ଅବସ୍ଥାରେ ତାଙ୍କୁ ସଫ୍ଦରଗଞ୍ଜ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା । ତେବେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ମୃତକ ଗୁରୁଗ୍ରାମ ଅଞ୍ଚଳ ସେକ୍ଟର ୪୯ର ୫୦ ବର୍ଷୀୟ ବ୍ୟକ୍ତି ଶୁଭେନ୍ଦୁ ଚାଟାର୍ଜୀ ବୋଲି ଜଣା ପଡ଼ିଛି ।
ରବିବାର ସକାଳେ ବସନ୍ତକୁଞ୍ଜରେ ଥିବା ମହିପାଲପୁର ଫ୍ଲାଇଓଭର ନିକଟରେ ଏହି ଦୁର୍ଘଟଣା ଘଟିଛି । ଏହି ଦୁର୍ଘଟଣା ଘଟାଇଥିବା କାର୍କୁ ଜବତ କରାଯାଇଥିବା ବେଳେ ଗାଡ଼ି ଚାଳକକୁ ଅଟକ ରଖିଛି ପୋଲିସ । କାର୍ ନମ୍ବରରୁ ଏହା ଏକ VIP ଗାଡ଼ି ବୋଲି ଜଣା ପଡ଼ିଛି । ଦିଲ୍ଲୀ କ୍ୟାଣ୍ଟନମେଣ୍ଟ୍ ବୋର୍ଡ ଫାଇନାନ୍ସ କମିଟିର ସଭାପତିଙ୍କ ଏହି କାର୍ । ପ୍ରତିରକ୍ଷା ମନ୍ତ୍ରଣାଳୟ ଅନ୍ତର୍ଗତ ଏହି ବିଭାଗ କାର୍ଯ୍ୟ କରୁଛି । ଏହି ଦୁର୍ଘଟଣା ଘଟାଇଥିବା କାର୍ ଚାଳକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନବାକୁ ଦାବି ହୋଇଛି ।