ନୂଆଦିଲ୍ଲୀ: ପାକିସ୍ତାନରେ ଭାରତୀୟ ଇତିହାସ ସହିତ ଜଡିତ ପ୍ରତୀକ ଉପରେ ଆକ୍ରମଣ । ବୁଧବାର ମହାରାଜା ରଣଜିତ ସିଂହଙ୍କ ପ୍ରତିମୂର୍ତ୍ତି ଭଙ୍ଗା ଘଟଣାକୁ ନେଇ ପାକିସ୍ତାନ ହାଇକମିସନର କାର୍ଯ୍ୟାଳୟ ଘେରିଲା ଦିଲ୍ଲୀ ବିଜେପି ।
ମହାରାଜା ରଣଜିତ ସିଂହଙ୍କ ପ୍ରତିମୂର୍ତ୍ତି ଭଙ୍ଗା ଘଟଣା,ପାକିସ୍ତାନ ହାଇକମିସନର କାର୍ଯ୍ୟାଳୟ ଘେରିଲା ଦିଲ୍ଲୀ ବିଜେପି
ପାକିସ୍ତାନରେ ମହାରାଜା ରଣଜିତ ସିଂହଙ୍କ ପ୍ରତିମୂର୍ତ୍ତି ଭାଙ୍ଗିବା ଘଟଣାକୁ ନେଇ ଆଜି ଦିଲ୍ଲୀ ବିଜେପି ପକ୍ଷରୁ ପାକିସ୍ତାନ ହାଇକମିସନର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଦୃଢ ପ୍ରତିବାଦ କରିଛନ୍ତି । ଏହାକୁ ବରଦାସ୍ତ କରାଯିବ ନାହିଁ ବୋଲି ଦିଲ୍ଲୀ ବିଜେପି ସଭାପତି ଆଦେଶ ଗୁପ୍ତା କହିଛନ୍ତି । ସୂଚନାଥାଉକି ଲାହୋର କିଲାରେ ନିର୍ମିତ ମହାରାଜା ରଣଜିତ ସିଂହଙ୍କ ପ୍ରତିମାର ଉନ୍ମୋଚନ ଜୁନ ୨୦୧୯ରେ କରାଯାଇଥିଲା । ସେତେବେଳଠୁ ନେଇ ଆଜିଯାଏଁ ଏହି ମୂର୍ତ୍ତି ଭଙ୍ଗାରୁଜାର ଏହା ତୃତୀୟ ଘଟଣା । ମୂର୍ତ୍ତି ଭଙ୍ଗାରୁଜା ସମୟରେ ଜଣେ ବ୍ୟକ୍ତି ନାରା ଦେଉଥିବା କୁହାଯାଉଛି ।