ଚେନ୍ନାଇ: ଘରୋଇ ଏବଂ ବିଦେଶୀ ଯାତ୍ରୀଙ୍କୁ ଆକର୍ଷିତ କରିବା ପାଇଁ କର୍ଡେଲିଆ କ୍ରୁଜ୍ ଏକ ବିଳାସପୂର୍ଣ୍ଣ ଜାହାଜ ସେବା ବିକଶିତ କରିଛି । ତାମିଲନାଡୁର ଚେନ୍ନାଇ ବନ୍ଦରର ଆରମ୍ଭ ହେବାକୁ ଯାଉଛି ଏହି ସେବା । ଏହି ଜାହାଜରେ ଯାତ୍ରୀଙ୍କ ମନୋରଞ୍ଜନ ପାଇଁ ଅନେକ ବ୍ୟବସ୍ଥା ରହିଥିବା ବେଳେ ଆସନ୍ତା ଜୁନ 4 ତାରିଖରେ ତାମିଲନାଡ଼ୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଏହାକୁ ଲଞ୍ଚ କରିବାକୁ ଯାଉଛନ୍ତି ।
ଏହି ଜାହାଜରେ ଯାତ୍ରୀଙ୍କ ମନୋରଞ୍ଜନ ପାଇଁ ରେସ୍ତୋରାଁ, ସ୍ବିମିଂ ପୁଲ୍, ବାର, ଓପନ-ଏୟାର ସିନେମା, ଶିଶୁଙ୍କ ପାଇଁ ଖେଳ ପଡ଼ିଆ ଓ ଜିମର ମଧ୍ୟ ବ୍ୟବସ୍ଥା ରହିଛି । ଏହି ଜାହାଜ ମାଧ୍ୟମରେ ଯାତ୍ରୀ ସମୁଦ୍ର ମଧ୍ୟରେ ସମୟ ଅତିବାହିତ କରିପାରିବେ । ମିଳିଥିବା ସୂଚନା ଅନୁସାରେ ଚେନ୍ନାଇ ବନ୍ଦରରୁ ଏହା ସପ୍ତାହକୁ 2 ଦିନ ଯାତ୍ରୀଙ୍କୁ ନେଇ ଗଭୀର ସମୁଦ୍ର ମଧ୍ୟକୁ ଯାତ୍ରା କରିବ। ଏହାସହିତ ସମୁଦ୍ର ମଧ୍ୟ ଦେଇ ବିଦେଶକୁ ଯାତ୍ରା କରିବା ଲାଗି ଯାତ୍ରୀଙ୍କ ସଂଖ୍ୟା ଉପରେ ଧ୍ୟାନ ଦିଆଯିବ।