ନୂଆଦିଲ୍ଲୀ: ଓଡିଶା ପାଇଁ ଗୌରବର ଦିନ । ଦୀପଗ୍ରେସ୍ ଏକ୍କା ପାଇବେ ଅର୍ଜୁନ ପୁରସ୍କାର । ଓଡ଼ିଆ ମହିଳା ହକି ତାରକା ଦୀପଗ୍ରେସ୍ ଏକ୍କାଙ୍କୁ ମିଳିବ ଦେଶର ଅନ୍ୟତମ ଶ୍ରେଷ୍ଠ କ୍ରୀଡା ପୁରସ୍କାର ଅର୍ଜୁନ ପୁରସ୍କାର । ଓଡିଶାର ଦ୍ବିତୀୟ ମହିଳା ହକି ଖେଳୀ ଭାବେ ଦୀପଗ୍ରେସ୍ ଏକ୍କା ଏହି ସମ୍ମାନଜନକ କ୍ରୀଡ଼ା ପୁରସ୍କାର ପାଇବେ । ପୂର୍ବରୁ ପ୍ରଥମ ମହିଳା ହକି ଖେଳାଳୀ ଭାବେ ଜ୍ୟୋତି ସୁନୀତା କୁଲୁଙ୍କୁ 2007 ମସିହାରେ ଅର୍ଜୁନ ପୁରସ୍କାର ମିଳିଥିଲା ।
2022 ବର୍ଷ ପାଇଁ କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରଣାଳୟ ପକ୍ଷରୁ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର ଓ ଅର୍ଜୁନ ପୁରସ୍କାର ପାଇଁ ୨୬ ଜଣ କ୍ରୀଡ଼ାବିତ୍ଙ୍କ ନାମ ଘୋଷଣା କରାଯାଇଛି । ଅର୍ଜୁନ ପୁରସ୍କାର ପାଇଁ ଘୋଷଣା ହୋଇଥିବା ୨୫ ଜଣିଆ ତାଲିକାରେ ଓଡ଼ିଆ ହକି ତାରକା ଦୀପଗ୍ରେସ୍ ଏକ୍କା ସ୍ଥାନ ପାଇଛନ୍ତି । ସେହିଭଳି ଦ୍ରୋଣାଚାର୍ଯ୍ୟ ପୁରସ୍କାର ପାଇଁ ବିଭିନ୍ନ ବର୍ଗର କ୍ରୀଡ଼ ପ୍ରଶିକ୍ଷକ ବା କୋଚ୍ଙ୍କ ୬ ଜଣିଆ ତାଲିକା ଘୋଷଣା ହୋଇଛି । ଏହି କ୍ରମରେ ଧ୍ୟାନଚାନ୍ଦ ଜୀବନବ୍ୟାପୀ ପୁରସ୍କାର ପାଇଁ ୪ ଜଣଙ୍କ ନାମ ଘୋଷଣା ହୋଇଛି ।
ଦୀପଗ୍ରେସ୍ ଏକ୍କାଙ୍କ ସହ ବିଭିନ୍ନ କ୍ରୀଡ଼ାରେ ଉତ୍କର୍ଷତା ଲାଭ କରିଥିବା ଅନ୍ୟ ୨୪ ଜଣ ଅର୍ଜୁନ ପୁରସ୍କାର ପାଇବେ । ସେହିଭଳି ଟେବୁଲ ଟେନିସ୍ ପେଡ୍ଲର ଶରତ କମଲ ଅଚନ୍ତ ଦେଶର ସର୍ବୋଚ୍ଚ କ୍ରୀଡ଼ା ସମ୍ମାନ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାରରେ ସମ୍ମାନିତ ହେବେ । ନଭେମ୍ବର ୩୦ ତାରିଖରେ ରାଷ୍ଟ୍ରପତି ଭବନରେ ସମସ୍ତ କ୍ରୀଡ଼ାବିତଙ୍କୁ ସମ୍ମାନିତ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ମେଜର ଧ୍ୟାନଚନ୍ଦ ଖେଳ ରତ୍ନ ପୁରସ୍କାର ୨୦୨୨
କେବଳ ଟେବୁଲ ଟେନିସ୍ ପେଡ୍ଲର ଶରତ କମଲ ଅଚନ୍ତ ଦେଶର ସର୍ବୋଚ୍ଚ କ୍ରୀଡ଼ା ସମ୍ମାନ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାରରେ ସମ୍ମାନିତ ହେବେ ।
ଅର୍ଜୁନ ପୁରସ୍କାର ୨୦୨୨
- ଅମିତ, ବକ୍ସିଂ
- ଦୀପଗ୍ରେସ ଏକ୍କା, ହକି
- ସୀମା ପୁନିଆ, ଆଥଲେଟିକ୍ସ
- ଏଲଢୋସ୍ ପାଉଲ, ଆଥଲେଟିକ୍ସ
- ଅବିନାଶ ମୁକୁନ୍ଦୁ ସାବ୍ଲେ, ଆଥଲେଟିକ୍ସ
- ଲକ୍ଷ୍ୟ ସେନ୍, ବ୍ୟାଡମିଣ୍ଟନ
- ପ୍ରଣୟ ଏଚ୍ଏସ୍, ବ୍ୟାଡମିଣ୍ଟନ
- ନିଖତ ଜରିନ, ବକ୍ସିଂ
- ଭକ୍ତି ପ୍ରଦୀପ କୁଲକର୍ଣ୍ଣୀ, ଚେସ୍
- ଆର୍. ପ୍ରଗ୍ନନନ୍ଧା, ଚେସ୍
- ଶୁଶିଲା ଦେବୀ, ଜୁଡୋ
- ସାକ୍ଷୀ କୁମାରୀ, କବାଡି
- ନୟନ ମଣି ସାଇକିଆ, ଲନ୍ ବଲ୍
- ସାଗର କୈଳାସ ଓଭ୍ହଲକର, ମଲଖମ୍ବ
- ଏଲାଭିଭେନିଲ୍ବଲରିଭାନ୍, ସୁଟିଂ
- ଓମ୍ ପ୍ରକାଶ ମିଥ୍ରଭାଲ୍, ସୁଟିଂ
- ଶ୍ରୀଜା ଆକୁଲା, ଟେବୁଲ ଟେନିସ୍
- ବିକାଶ ଠାକୁର, ଭାରୋତ୍ତଳନ
- ଅଂଶୁ, କୁସ୍ତିଯୁଦ୍ଧ
- ସରିତା, କୁସ୍ତିଯୁଦ୍ଧ
- ପ୍ରବୀଣ, ଉଷୁ
- ମାନସୀ ଗୀରିଶଚନ୍ଦ୍ର ଜୋଶୀ, ପାରା ବ୍ୟାଡମିଣ୍ଟନ
- ତରୁଣ ଢିଲନ୍, ପାରା ବ୍ୟାଡମିଣ୍ଟନ
- ସ୍ବପ୍ନିଲ୍ ସଞ୍ଜୟ ପାଟିଲ୍, ପାରା ସ୍ବିମିଂ
- ଜର୍ଲିନ୍ ଅନିକା ଜେ, ଶ୍ରବଣବାଧିତ ବ୍ୟାଡମିଣ୍ଟନ
ଦ୍ରୋଣାଚାର୍ଯ୍ୟ ପୁରସ୍କାର ୨୦୨୨
- ଜୀବନଜୋତ୍ ସିଂହ ତେଜା, ତୀରନ୍ଦାଜୀ କୋଚ୍
- ମହମ୍ମଦ ଅଲି କମାର, ବକ୍ସିଂ କୋଚ୍
- ସୁମା ସିଦ୍ଧାର୍ଥ ଶିରୁର୍, ପାରା ସୁଟିଂ କୋଚ୍
- ସୁଜିତ ମାନ୍, କୁସ୍ତିଯୁଦ୍ଧ କୋଚ୍
ଦ୍ରୋଣାଚାର୍ଯ୍ୟ ଜୀବନବ୍ୟାପୀ ପୁରସ୍କାର ୨୦୨୨
- ଦୀନେଶ ଜୱାହର ଲାଡ୍, କ୍ରିକେଟ ପ୍ରଶିକ୍ଷକ
- ବିମଳ ପ୍ରଫୁଲ ଘୋଷ, ଫୁଟ୍ବଲ୍ ପ୍ରଶିକ୍ଷକ
- ରାଜ୍ ସିଂହ, କୁସ୍ତିଯୁଦ୍ଧ ପ୍ରଶିକ୍ଷକ
ଧ୍ୟାନଚନ୍ଦ ଜୀବନବ୍ୟାପୀ କ୍ରୀଡ଼ା ସମ୍ମାନ ୨୦୨୨
- ଅଶ୍ବିନ ଆକ୍କୁଢଞ୍ଜି ସି, ଆଥ୍ଲେଟିକ୍ସ
- ଧାରମବୀର ସିଂହ, ହକି
- ବସି ସୁରେଶ, କବାଡ଼ୀ
- ନୀର ବାହାଦୁର ଗୁରୁଙ୍ଗ୍, ପାରା ଆଥଲେଟିକ୍ସ
