ପାନାଜୀ: କୋରୋନା ସମୟରୁ ଦେଶରେ ବନ୍ଦ ରହିଥିଲା ସମସ୍ତ ଶିକ୍ଷାନୁଷ୍ଠାନ । ତେବେ କୋରୋନା ସ୍ଥିତିରେ ସାମାନ୍ୟ ସୁଧାର ଆସିବାରୁ ଗୋଆରେ ଆସନ୍ତା ଦୁଇ ଦିନ ଭିତରେ ବିଦ୍ୟାଳୟଗୁଡିକୁ ପୁନଃ ଖୋଲିବାକୁ ନିଷ୍ପତ୍ତି ନେଇଛନ୍ତି ଗୋଆ ସରକାର ।
ମଙ୍ଗଳବାର ଅଥବା ଗୋଟିଏ ଦିନ ପରେ ବିଦ୍ୟାଳୟଗୁଡିକୁ ପୁନଃ ଖୋଲାଯିବାର ପ୍ରକ୍ରିୟା ଶେଷ ହୋଇଥିବା ସୋମବାର କହିଛନ୍ତି ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ । ମୁଖ୍ୟମନ୍ତ୍ରୀଙ୍କ ପରାମର୍ଶରେ କେରୋନା ମହାମାରୀ ପାଇଁ ବନ୍ଦ ଥିବା ସ୍କୁଲଗୁଡିକୁ ଖୋଲିବା ପାଇଁ ଏକ କମିଟି ଗଠନ ହୋଇଥିଲା । ଯେଉଁଥିରେ ଶିକ୍ଷା ବିଶେଷଜ୍ଞ, ଶିକ୍ଷା ବିଭାଗର ଅଧିକାରୀ ତଥା ପ୍ରଧାନଶିକ୍ଷକ ଏବଂ ଅଭିଭାବକ ଶିକ୍ଷକ ସଂଘର ପ୍ରତିନିଧୀମାନେ ଉପକୂଳବର୍ତ୍ତୀ ରାଜ୍ୟଗୁଡିକରେ ସ୍କୁଲଗୁଡିକୁ ଖୋଲିବା ପାଇଁ ମତାମତ ଦେଇଥିଲେ ।