ନୂଆଦିଲ୍ଲୀ: ଆଜି କୃଷକ ଆନ୍ଦୋଳନ ମାମଲାରେ ଗିରଫ ପରିବେଶ କାର୍ଯ୍ୟକର୍ତ୍ତା ଦିଶା ରବିଙ୍କ ଜାମିନ ଆବେଦନ ରାୟ ସଂରକ୍ଷିତ ରଖିଛନ୍ତି ଦିଲ୍ଲୀର ପଟିଆଲା ହାଉସ କୋର୍ଟ । ଆସନ୍ତା 23 ରେ ଜାମିନ ଆବେଦନ ଉପରେ କୋର୍ଟ ରାୟ ପ୍ରଦାନ କରାଯିବା ନେଇ ସ୍ଥିର କରାଯାଇଛି । ଗିରଫ ପରେ 19 ତାରିଖରେ ଦିଶା ରବିଙ୍କୁ ତିନି ଦିନ ପାଇଁ ନ୍ୟାୟିକ ହେପାଜତକୁ ପଠାଇଥିଲେ ।
ଶୁଣାଣି ସମୟରେ ଦିଲ୍ଲୀ ପୋଲିସ କହିଛି ଯେ ଏହି ମାମଲାରେ ସହ-ଅଭିଯୁକ୍ତ ଶାନ୍ତନୁଙ୍କୁ 22 ଫେବୃଆରୀରେ ପଚରାଉଚରା ପାଇଁ ଡକାଯାଇଛି। ସେ କହିଛନ୍ତି ଯେ ଏହି ମାମଲାରେ ନିକିତା ଏବଂ ଶାନ୍ତନୁ ମଧ୍ୟ ଅଭିଯୁକ୍ତ ଅଛନ୍ତି । ଦିଶା ରବିଙ୍କୁ ଅନ୍ୟ ସହ-ଅଭିଯୁକ୍ତଙ୍କ ସହ ମୁହାଁମୁହିଁ ଜେରା କରିବାକୁ ପଡିବ ବୋଲି କହିଛି ।