ନୂଆଦିଲ୍ଲୀ: ଦେଶରେ କୋଭିଡ ମହାମାରୀର ତୃତୀୟ ଲହର କ୍ରମଶଃ ଦୁର୍ବଳ ହେବାରେ ଲାଗିଛି । ଲଗାତାର କମି ଚାଲିଛି ସଂକ୍ରମଣ । ଆଜି ଦେଶରେ ଦୈନିକ ପଜିଟିଭ ମାମଲା ୨୦ ହଜାର ତଳେ ରହିଛି । ଗତ ୨୪ ଘଣ୍ଟା ମଧ୍ୟରେ ଦେଶରୁ 19,968 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି(India reports 19,968 fresh covid cases) ।
ସଂକ୍ରମଣ କ୍ରମଶଃ ହ୍ରାସ ପାଉଥିଲେ ମଧ୍ୟ ମୃତ୍ୟୁସଂଖ୍ୟା ଏବେ ପୁଣି ବଢିଛି । ଦେଶରେ ଦିନକରେ 673 ସଂକ୍ରମିତ ପ୍ରାଣ ହରାଇଛନ୍ତି । ସେହିପରି 48,847 ଜଣ ସଂକ୍ରମିତ ସୁସ୍ଥ ହୋଇଛନ୍ତି । ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏନେଇ ସୂଚନା ଦିଆଯାଇଛି ।