INDIA CORONA: ଦୁର୍ବଳ ତୃତୀୟ ଲହର, ଦିନକରେ ୨୨୨୭୦ ସଂକ୍ରମିତ

ଦେଶରେ ଦୁର୍ବଳ ହୋଇଛି ତୃତୀୟ ଲହର । ଗତ ୨୪ ଘଣ୍ଟା ମଧ୍ୟରେ ଦେଶରୁ 22,270 ନୂଆ ସଂକ୍ରମିତ ଚିହ୍ନଟ । ମୃତ୍ୟୁ ସଂଖ୍ୟା ବି ହ୍ରାସ । ଅଧିକ ପଢନ୍ତୁ

ନୂଆଦିଲ୍ଲୀ:ଦେଶରେ ନିୟନ୍ତ୍ରଣାଧୀନ ମହାମାରୀ । କ୍ରମଶଃ ତଳକୁ ଖସୁଛି କୋରୋନା ଗ୍ରାଫ୍ । ବହୁ ଦିନର ବ୍ୟବଧାନ ପରେ ଆଜି ଦୈନିକ ପଜିଟିଭ ମାମଲା ୨୫ ହଜାର ତଳେ ରହିଛି । ଗତ ୨୪ ଘଣ୍ଟା ମଧ୍ୟରେ ଦେଶରୁ 22,270 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି(India reports 22,270 fresh covid cases) । ଯାହାକି ଗତକାଲି(ଶୁକ୍ରବାର) ତୁଳନାରେ 14% କମ୍ । ସେହିପରି ଦିନକରେ 60,298 ଜଣ ସଂକ୍ରମିତ ସୁସ୍ଥ ହୋଇଥିବା ବେଳେ 325 ଜଣଙ୍କ ମୃତ୍ୟୁ ଘଟିଛି । ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏନେଇ ସୂଚନା ଦିଆଯାଇଛି ।

ମନ୍ତ୍ରଣାଳୟ ଅନୁଯାୟୀ, ଆଜିର ନୂତନ ସଂକ୍ରମଣକୁ ମିଶାଇ ବର୍ତ୍ତମାନ 2,53,739ଟି ସକ୍ରିୟ ମାମଲା ରହିଛି । ଏହି କ୍ରମରେ ଦେଶର ଦୈନିକ ପଜିଟିଭ୍ ରେଟ୍ ମଧ୍ୟ ହ୍ରାସ ପାଇଛି । ପଜିଟିଭ ହାର ଏବେ 1.8% ରହିଛି । ଏଯାବତ୍ ଭାରତରେ ମୋଟ 4,20,37,536 ସଂକ୍ରମିତ ସୁସ୍ଥ ହୋଇଥିବା ବେଳେ 5,11,230 ଜଣ କୋରୋନାରେ ପ୍ରାଣ ହରାଇଛନ୍ତି । ସେହିପରି ସମୁଦାୟ 175.03 କୋଟି ଡୋଜ୍ ଟୀକାକରଣ କରାଯାଇଛି । ସଂକ୍ରମଣ ହ୍ରାସ ସହ ଦେଶବ୍ୟାପୀ କୋଭିଡ କଟକଣା ମଧ୍ୟ କୋହଳ ହୋଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ