ନୂଆଦିଲ୍ଲୀ: ନିଭାର ଭୟ ମନରୁ ନଯାଉଣୁ ତାମିଲନାଡୁବାସୀଙ୍କୁ ଡରାଇଲାଣି ସାଇକ୍ଲୋନ ବୁରାଭି। ଡିସେମ୍ବର 4 ତାରିଖରେ ବୁରାଭି ତାମିଲନାଡୁ ଛୁଇଁବ। ଏନେଇ ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ଏହା ହେଉଛି ଦ୍ବିତୀୟ ଘୂର୍ଣ୍ଣିବଳୟ ଯାହା ଏକ ସପ୍ତାହ ମଧ୍ୟରେ ରାଜ୍ୟକୁ ଆସିଛି ବୋଲି ପୂର୍ବାନୁମାନ କରାଯାଇଛି। ବୁରାଭି ନିଭାରଙ୍କ ପରି ତୀବ୍ର ହେବାର ସମ୍ଭାବନା ନାହିଁ ବୋଲି ଆଇଏମଡି ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି।
ଏହା ପ୍ରଥମେ ଡିସେମ୍ବର 2 ରେ ଶ୍ରୀଲଙ୍କା ଏବଂ ପରେ ତାମିଲନାଡୁ ଡିସେମ୍ବର 4 ରେ ହେବ ବୋଲି ଆଶା କରାଯାଉଛି। ଆଇଏମଡିର ବାତ୍ୟା ସତର୍କ ବିଭାଗ କହିଛି ଯେ, ମଙ୍ଗଳବାର ସନ୍ଧ୍ୟାରେ ଘୂର୍ଣ୍ଣିବଳୟ ଝଡ଼ରେ ପରିଣତ ହେବା ସହ ପ୍ରଭାବ ବୃଦ୍ଧି ପାଇବ।