ହାଇଦ୍ରାବାଦ:ବଦଳୁଛି ସାଇବର ଠକଙ୍କ ଠକେଇ ତରିକା । ଏପରି ଅପରାଧ ରୋକିବା ପାଇଁ ପୋଲିସ ଯେତିକି କୌଶଳ ଓ ଜନ ସଚେତନତା ସୃଷ୍ଟି କରୁଛି, ଅନୁରୂପ ଭାବେ ଭିନ୍ନଭିନ୍ନ ନୂଆ ତରିକା ମଧ୍ୟ ଆପଣାଇବାରେ ଲାଗିଛନ୍ତି ସାଇବର ଠକ । ଜଣେ ମହିଳାଙ୍କ ଦ୍ବାରା ଡେଟିଂ ପାଇଁ ଅନଲାଇନ ଆପରେ ପ୍ରଲୋଭିତ ହୋଇ ଦେଢ କୋଟି ଟଙ୍କାର ସାଇବର ଠକେଇର ଶିକାର ହୋଇଛନ୍ତି ହାଇଦ୍ରାବାଦର ଜଣେ ଡାକ୍ତର ।
ଗୁଜୁରାଟରେ କାର୍ଯ୍ୟରତ ଉକ୍ତ ଡାକ୍ତରଙ୍କୁ ଏକ ଡେଟିଂ ଆପ ମାଧ୍ୟମରେ ଏପରି ଶିକାର ହେବାକୁ ପଡିଛି । ଜଣେ ମହିଳାଙ୍କ ସହ ଡେଟିଂ ପାଇଁ ଏହି ଆପରେ ଡାକ୍ତରଙ୍କୁ ପ୍ରଲୋଭିତ କରାଯାଇଥିଲା । ପରେ ସାଇବର ଠକର କହିବା ଅନୁସାରେ, ଏଥିପାଇଁ ଅନଲାଇନ ମୋଡରେ ପ୍ରଥମେ 40 ଲକ୍ଷ ଟଙ୍କା ଟ୍ରାନ୍ସଫର କରିଥିଲେ ଡାକ୍ତର । ଡାକ୍ତରଜଣଙ୍କ ଠକେଇର ଶିକାର ହୋଇଥିବା ଅନୁଭବ କରିବା ପରେ ଥାନାରେ ଅଭିଯୋଗ ମଧ୍ୟ କରିଥିଲେ ।