ନୂଆଦିଲ୍ଲୀ:"କୋଭିଡ ଭ୍ୟାକ୍ସିନ ପରିଚାଳନାରେ ଅନ୍ୟ ଦେଶ ତୁଳନାରେ ଭାରତର ସ୍ଥିତି ମଝବୁତ ରହିଛି ।" ଏକ ସାକ୍ଷାତାକାରରେ ଏହା କହିଛନ୍ତି ଭାରତ ବାୟୋଟେକ୍ ଚେୟାରମେନ୍ କ୍ରୀଷ୍ଣା ଏଲ୍ଲା । ଏହାକୁ ନେଇ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସୂଚନା ଦେଇଥିଲେ । ଭାରତରେ ବ୍ୟାପକ ଟୀକାକରଣ କାର୍ଯ୍ୟକ୍ରମ ଯୋଗୁଁ ବର୍ତ୍ତମାନ ସୁଦ୍ଧା ୫୪ କୋଟି ଲୋକେ କୋଭିଡ ଟିକା ନେଇ ସାରିଥିବା ସେ ସୂଚନା ଦେଇଥିଲେ ।
ଏହାକୁ ନେଇ ଭାରତରେ ଭ୍ୟାକ୍ସିନ ତିଆରି ସଂସ୍ଥାଗୁଡ଼ିକୁ ଧନ୍ୟବାଦ ଦେଇଥିଲେ ମୋଦି । କାରଣ ଏହି ସଂସ୍ଥା ଗୁଡି଼କ ଯୋଗୁଁ ଭାରତକୁ ଭ୍ୟାକ୍ସିନ ପାଇଁ ଅନ୍ୟ କାହା ଉପରେ ନିର୍ଭର ହେବାକୁ ପଡ଼ିନାହିଁ । ଏହାକୁ ନେଇ କ୍ରୀଷ୍ଣା ଏଲ୍ଲା କହିଛନ୍ତି ଯେ, "ଆମେରିକାରେ ଭାରତଠାରୁ ଅଧିକ ଟିକା ପ୍ରସ୍ତୁତ କରାଯାଇଛି । ଏହାସତ୍ତ୍ବେ ସେଠାରେ ମାତ୍ର ୧୬ କୋଟି ଲୋକଙ୍କୁ କୋଭିଡ ଟିକା ଦିଆଯାଇଛି । କିନ୍ତୁ ଭାରତ ଭଳି ଦେଶରେ ୧୩୦ କୋଟି ଲୋକଙ୍କୁ କୋଭିଡି ଟିକା ଦେବା ସହଜ କଥା ନୁହେଁ । ଏହି ମାମଲାରେ ଭାରତ ଆମେରିକା ସହ ଅନ୍ୟ ଦେଶ ତୁଳନା ଭଲ ପରିଚାଳନା କରିଛି ।"