ନୂଆଦିଲ୍ଲୀ: ଦେଶରେ ଆସିବ କି କୋରୋନାର ତୃତୀୟ ଲହର ? ପୁଣି ବଢିବକି କୋରୋନା ସଂକ୍ରମଣ । ଏମିତି ଭୟ ଏବେ ସମସ୍ତଙ୍କ ମନରେ ଥିବା ବେଳେ ଇଣ୍ଡିଆନ କାଉସିଲ ଅଫ ମେଡିକାଲ ରିସର୍ଚ୍ଚ(ICMR)ର ଜଣେ ବିଶେଷଜ୍ଞ ତୃତୀୟ ଲହରକୁ ନେଇ ମତ ପ୍ରକାଶ କରିଛନ୍ତି । ସେ କହିଛନ୍ତି ଯେ ଅଗଷ୍ଟ ଶେଷ ସୁଦ୍ଧା କୋରୋନାର ତୃତୀୟ ଲହର ଦେଶକୁ ଆସିପାରେ, କିନ୍ତୁ ଏହା ଦ୍ବିତୀୟ ଲହରଠାରୁ କମ ହେବ ।
ICMRର ଏପିଡେମୋଲୋଜି ଏବଂ ସଂକ୍ରାମକ ରୋଗର ମୁଖ୍ୟ ଡକ୍ଟର ସମୀରନ୍ ପଣ୍ଡା କହିଛନ୍ତି ଯେ ପ୍ରତ୍ୟେକ ରାଜ୍ୟ ଏଥି ପାଇଁ ସତର୍କ ରହିବାକୁ ପଡିବ । ଏଥି ପାଇଁ ପ୍ରତିବନ୍ଧକ ଗୁଡିକୁ ବଜାଇ ରଖିବାକୁ ପଡିବ । ନହେଲେ ତୃତୀୟ ଲହର ମଧ୍ୟ ଭୟଙ୍କର ହୋଇପାରେ । ଯଦି ତୃତୀୟ ଲହର ଆସେ ତେବେ ଏହା ଅଗଷ୍ଟ ଶେଷ ଆଡକୁ ଆସିବ ଏବଂ ଏଥିପାଇଁ ଆମକୁ ସତର୍କ ରହିବାକୁ ପଡିବ ବୋଲି କହିଛନ୍ତି ଡକ୍ଟର ସମୀରନ୍ ପଣ୍ଡା ।