ହାଇଦ୍ରାବାଦ: ବର୍ଷ 2020, ମହାମାରୀ କୋଭିଡ-19ର ବର୍ଷ କହିଲେ ଅତ୍ୟୁକ୍ତି ହେବ ନାହିଁ । ବର୍ଷ ତମାମ ସମଗ୍ର ବିଶ୍ବରେ କୋରୋନାର ଆତଙ୍କ ଜାରି ରହିଛି । ଏଭଳି ସ୍ଥିତିରେ ଗୁଜବ ପ୍ରଚାର ହେବା ଅତି ସାଧାରଣ କଥା । ବର୍ତ୍ତମାନ କୋଭିଡ ସଂକ୍ରମଣକୁ ହ୍ରାସ କରିବାକୁ ବିଶ୍ବର ଅନେକ ସ୍ଥାନରେ ଟିକା ପ୍ରସ୍ତୁତି ଶେଷ ପର୍ଯ୍ୟାୟରେ । ଆଶା କରାଯାଉଛି ଯେ, ଆସନ୍ତା ବର୍ଷରେ ସମସ୍ତଙ୍କୁ ଟୀକାକରଣ କରାଯିବ । ତେବେ କୋଭିଡ ଟିକାକୁ ନେଇ ଅନେକ ଆଶା ଆଶଙ୍କା ଥିବା ବେଳେ ଏହାକୁ ନେଇ ମଧ୍ୟ ଗୁଜବ ପ୍ରଚାର ହେବାରେ ଲାଗିଛି । ଆସନ୍ତୁ ଲୋକଙ୍କ ମଧ୍ୟରେ ଚାଲିଥିବା ସେପରି କିଛି ଗୁଜବ ଓ ଏହାର ସତ୍ୟାସତ୍ୟ ବିଷୟରେ ଆଲୋଚନା କରିବା ।
ପ୍ରଥମ ଗୁଜବ-
କୋଭିଡ୍ ଟିକା ଅତି ଜଲଦିରେ ପ୍ରସ୍ତୁତ କରାଯାଉଛି ତେଣୁ ଏହା ସୁରକ୍ଷିତ ନୁହେଁ
ପ୍ରକୃତରେ ଏହା ସତ ଯେ କୋଭିଡ ଟିକା ବହୁତ ଜଲଦି ପ୍ରସ୍ତୁତ କରାଯାଉଛି । କୋରୋନା ଭାଇରସର ପ୍ରଭାବକୁ କମାଇବା ପାଇଁ ଟିକା ପରୀକ୍ଷଣ ଜଲଦି କରାଯାଉଛି ମାତ୍ର ସୁରକ୍ଷିତ ନଥିବା ଗୁଜବ ମିଥ୍ୟା । କାରଣ ବିନା ପରୀକ୍ଷଣ ପ୍ରୋଟୋକଲ ପାଳନ ନ କରି ଟିକାକୁ ଲୋକଙ୍କୁ ଦିଆଯିବ ନାହିଁ । ଯେକୌଣସି ପରିସ୍ଥିତିରେ ବି ଟିକା ନିର୍ମାତାମାନେ ନିଶ୍ଚିତ ଭାବରେ ବିକାଶ ପ୍ରକ୍ରିୟା ଅନୁସରଣ କରିବେ । ଟିକାଗୁଡିକ ନିରାପଦ ଏବଂ ପ୍ରଭାବଶାଳୀ ବୋଲି ପ୍ରମାଣ କରିବାକୁ ବ୍ୟାପକ କ୍ଲିନିକାଲ୍ ପରୀକ୍ଷା କରିବାକୁ ପଡିବ । ତେବେ ହିଁ ଏହା ମଧ୍ୟ ସତ୍ୟ ଯେ ଜରୁରୀକାଳୀନ ବ୍ୟବହାର ପ୍ରାଧିକରଣ (EUA) ଅନୁମୋଦନ ପାଇ ଏହାକୁ ଶୀଘ୍ର ବ୍ୟବହାର କରାଯିବ ।
ଦ୍ବିତୀୟ ଗୁଜବ-
ଏହି ଟିକା କୋଭିଡ-19 ସଂକ୍ରମଣ ପୁଣି ଥରେ କରିପାରେ
ଅନ୍ୟ ସମସ୍ତ ଟିକା ପରି ଏକ ନିରାପଦ ଏବଂ ପ୍ରଭାବଶାଳୀ କୋଭିଡ-19 ଟିକା ସଂକ୍ରମଣକୁ ଅନୁକରଣ କରି ରୋଗ ପ୍ରତିରୋଧକ ଶକ୍ତି ବିକାଶରେ ସାହାଯ୍ୟ କରିବ । କୌଣସି ସଂକ୍ରମଣ କିମ୍ବା ଅସୁସ୍ଥତା ସୃଷ୍ଟି କରିବାର ସମ୍ଭାବନା ନାହିଁ । କୋଭିଡ-19 ଟିକା ଆମର ପ୍ରତିରକ୍ଷା ପ୍ରଣାଳୀରେ SARS-CoV-2 ଭାଇରସ ଚିହ୍ନଟ କରିବା ସହ ମୁକାବିଲା କରିବ । କୋଭିଡ-19 ଟୀକାକରଣ ପରେ ଆମ ଶରୀର ପ୍ରତିରୋଧକ ଶକ୍ତି ବିକାଶ ପାଇଁ କିଛି ସମୟ ନେବ ।
ତୃତୀୟ ଗୁଜବ-
ଟିକାରେ ଥିବା mRNA ଶରୀରେ ପ୍ରକୃତ DNAକୁ ପରିବର୍ତ୍ତନ କରିପାରେ
କିଛି କୋଭିଡ-19 ଟିକା mRNA ଟେକ୍ନୋଲୋଜି ବ୍ୟବହାର କରି ବିକଶିତ ହୋଇଛି । ଏହପରି ଟିକା ଶରୀରରେ ଏକ ପ୍ରୋଟିନ୍ ସୃଷ୍ଟି କରିବାରେ ସାହାଯ୍ୟ କରିବ । ଏହା ପ୍ରୋଟିନ୍ ଚିହ୍ନିବାରେ ସାହାଯ୍ୟ କରିବ ଏବଂ ଏହାର ମୁକାବିଲା ପାଇଁ ଆଣ୍ଟିବଡି ଉତ୍ପାଦନ କରିବ । mRNA ଓ DNA ସମାନ ଜିନିଷ ନୁହେଁ । ଡାକ୍ତରୀ ଅନୁସନ୍ଧାନକାରୀଙ୍କ ଅନୁଯାୟୀ, mRNA ଏହାର ଗଠନ କିମ୍ବା ଜେନେଟିକ୍ କୋଡ୍ ପରିବର୍ତ୍ତନ କରିବାକୁ ମାନବ DNA ସହିତ ମିଶିପାରିବ ନାହିଁ ।
ଚତୁର୍ଥ ଗୁଜବ-
ଟୀକାକରଣ ପରେ ଶରୀରରେ ପାର୍ଶ୍ବ ପ୍ରତିକ୍ରିୟା ଦେଖାଦେଇପାରେ
ଆପଣ ସାଧାରଣ ଟିକା ନେଲେ ବି ପାର୍ଶ୍ବ ପ୍ରତିକ୍ରିୟା ଦେଖାଦେଇଥାଏ କିନ୍ତୁ ଏହା ମାରାତ୍ମକ ନୁହେଁ । ସାମାନ୍ୟ ମୁଣ୍ଡ ବିନ୍ଧା, ମାଂସପେଶୀରେ ଦରଜ, ଜର ଆଦି ଲକ୍ଷଣ ଦେଖାଦେଇପାରେ । ଏହା ଆପେ ଆପେ ମଧ୍ୟ ଭଲ ହୋଇଯାଇଥାଏ । ଡାକ୍ତରୀ ଅନୁସନ୍ଧାନକାରୀଙ୍କ ଅନୁଯାୟୀ, ଏକ ନିରାପଦ ଏବଂ ପ୍ରଭାବଶାଳୀ କୋଭିଡ-19 ଟିକା ସୁସ୍ଥ ଲୋକଙ୍କଠାରେ ଗୁରୁତର ପ୍ରତିକ୍ରିୟା ସୃଷ୍ଟି କରିବାର ସମ୍ଭାବନା ନାହିଁ। ଆମେରିକାରେ କୋଭିଡ-19 ଟିକା ଉପରେ କିଛି ଲୋକଙ୍କର ଆଲର୍ଜି ପ୍ରତିକ୍ରିୟା ସୃଷ୍ଟି କରୁଥିବା ପୃଥକ ରିପୋର୍ଟ ଆସିଛି ଏବଂ ଏହାର ଅନୁସନ୍ଧାନ କରାଯାଉଛି ।
ପଞ୍ଚମ ଗୁଜବ-