ଗତ 24 ଘଣ୍ଟାରେ ଦେଶରେ 3,23,144 କୋରୋନା ପଜିଟିଭ, 2771 ମୃତ

ଦେଶରେ କୋରୋନାର ବିସ୍ଫୋରକ ରୂପ । 24 ଘଣ୍ଟାରେ ପୁଣି ଚିହ୍ନଟ ହେଲେ 3ଲକ୍ଷ 23 ହଜାର 144 କୋରୋନା ପଜିଟିଭ । 2ହଜାର 771 ଜଣ ମୃତ । ଅଧିକ ପଢନ୍ତୁ...

ନୂଆଦିଲ୍ଲୀ:ଦେଶରେ କୋରୋନା ନେଲାଣି ବିସ୍ଫୋରକ ରୂପ । ଦୈନିକ ସଂକ୍ରମଣ ହେଲାଣି 4ଲକ୍ଷ ମୁହାଁ । ଗତ 24 ଘଣ୍ଟାରେ ପୁଣି ଦେଶରେ 3ଲକ୍ଷ 23 ହଜାର 144 କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ କୋରୋନା ସଂକ୍ରମିତଙ୍କ ସଂଖ୍ୟା 1କୋଟି 76 ଲକ୍ଷ 36 ହଜାର 307ରେ ପହଞ୍ଚିଛି ।

ସେହିପରି ଆଜି 2ହଜାର 771 ଜଣଙ୍କର ମୁଣ୍ଡ ନେଇଛି ମହାମାରୀ । ଏହାକୁ ମିଶାଇ ଦେଶରେ ମୋଟ କୋରୋନା ଜନିତ ମୃତ୍ୟୁ ସଂଖ୍ୟା 1ଲକ୍ଷ 97 ହଜାର 894ରେ ପହଞ୍ଚିଛି । ବର୍ତ୍ତମାନ ଦେଶରେ 28 ଲକ୍ଷ 82 ହଜାର 204 ଆକ୍ଟିଭ କେସ ରହିଥିବା ବେଳେ 1କୋଟି 45ଲକ୍ଷ 56 ହଜାର 209 ଜଣ ସୁସ୍ଥ ହୋଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ