ନୂଆଦିଲ୍ଲୀ: ଦେଶରେ ଅଣାୟତ୍ତ କୋରୋନା ସ୍ଥିତି । ଦିନ ଗଡିବା ସହ ବଢୁଛି ସଂକ୍ରମଣର ହାର । ଦୈନିକ ସଂକ୍ରମଣ ଏବେ ଦିନ ପ୍ରତିଦିନ ରେକର୍ଡ ଭାଙ୍ଗୁଛି । ଗତ 24 ଘଣ୍ଟାରେ ଦେଶରେ ଚିହ୍ନଟ ହେଲେ 4 ଲକ୍ଷ 1 ହଜାର 993 କୋରୋନା ଆକ୍ରାନ୍ତ । ଏହାକୁ ମିଶାଇ ଦେଶରେ ମୋଟ କୋରୋନା ସଂକ୍ରମିତଙ୍କ ସଂଖ୍ୟା 1 କୋଟି 91 ଲକ୍ଷ 64 ହଜାର 969ରେ ପହଞ୍ଚିଛି ।
ଏହାସହ 24 ଘଣ୍ଟା ମଧ୍ୟରେ 3523 ଜଣଙ୍କ ମୁଣ୍ଡ ନେଇଛି ମହାମାରୀ । ଏହାକୁ ମିଶାଇ ଦେଶରେ ମୋଟ କୋରୋନା ଜନିତ ମୃତ୍ୟୁ ସଂଖ୍ୟା 2 ଲକ୍ଷ 11ହଜାର 853କୁ ବୃଦ୍ଧି ପାଇଛି । ଦେଶରେ ଏବେ 32 ଲକ୍ଷ 68 ହଜାର 710ଟି ଆକ୍ଟିଭ କେସ ରହିଥିବା ବେଳେ 1 କୋଟି 56 ଲକ୍ଷ 84 ହଜାର 406 ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି । ଅନ୍ୟପକ୍ଷେ ମୋଟ 15 କୋଟି 49 ଲକ୍ଷ 89 ହଜାର 635 ଜଣ ଟିକା ନେଇଛନ୍ତି ।