180ରୁ ଊର୍ଦ୍ଧ୍ବ କ୍ରାଇଜେନିକ୍ ଅକ୍ସିଜେନ କଣ୍ଟେନର ପରିବହନ କରିଛି ଭାରତୀୟ ବାୟୁସେନା

ସାରା ଭାରତ ଏବେ ମାହମାରୀ କୋରୋନା ସହ ଲଢେଇ କରୁଛି । ଏଭଳି ସ୍ଥିତିରେ ବିଭିନ୍ନ ହସ୍ପିଟାଲକୁ ତୁରନ୍ତ ଅକ୍ସିଜେନ ପ୍ଲାଣ୍ଟ ପହଞ୍ଚାଇବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଛି ଭାରତୀୟ ବାୟୁସେନା । ବର୍ତ୍ତମାନ ସୁଦ୍ଧା ଭାରତୀୟ ବାୟୁସେନା 180ଟି ଖାଲି କ୍ରାଇଜେନିକ୍ ଅମ୍ଳଜାନ କଣ୍ଟେନର ଏବଂ ଅମ୍ଳଜାନ ସିଲିଣ୍ଡର, ଅମ୍ଳଜାନ ପ୍ଲାଣ୍ଟ ଉପକରଣ, ଅତ୍ୟାବଶ୍ୟକ ଔଷଧ ଏବଂ ଡାକ୍ତରଖାନା ଉପକରଣ ପରିବହନ କରିଛି। ଅଧିକ ପଢନ୍ତୁ...

ନୂଆଦିଲ୍ଲୀ: ସାରା ଭାରତ ମହାମାରୀ କୋରୋନା ସହ ଲଢେଇ କରୁଛି । ଏହି ଯୁଦ୍ଧରେ ସାମିଲ ହୋଇଛନ୍ତି ଭାରତୀୟ ବାୟୁସେନା। ବିଭିନ୍ନ ହସ୍ପିଟାଲକୁ ତୁରନ୍ତ ଅକ୍ସିଜେନ ପ୍ଲାଣ୍ଟ ପହଞ୍ଚାଇବାରେ ନେଇଛି ଗୁରୁତ୍ବପୂର୍ଣ୍ଣ ଭୂମିକା । ବର୍ତ୍ତମାନ ସୁଦ୍ଧା ଭାରତୀୟ ବାୟୁସେନା 180ଟି ଖାଲି କ୍ରାଇଜେନିକ୍ ଅମ୍ଳଜାନ କଣ୍ଟେନର ଏବଂ ଅମ୍ଳଜାନ ସିଲିଣ୍ଡର, ଅମ୍ଳଜାନ ପ୍ଲାଣ୍ଟ ଉପକରଣ, ଅତ୍ୟାବଶ୍ୟକ ଔଷଧ ଏବଂ ଡାକ୍ତରଖାନା ଉପକରଣ ପରିବହନ କରିଛି।

ଆଇଏଏଫ୍ ର RAMT (ରାପିଡ୍ ଆକ୍ସନ୍ ମେଡିକାଲ୍ ଟିମ୍) ଏବଂ ମେଡିକାଲ୍ ଅଫିସର ଏବଂ ଭାରତୀୟ ନୌସେନାର କର୍ମଚାରୀମାନେ ବିମାନ ଚଳାଇ ମେଡିକାଲ ଉପକରଣଗୁଡିକ ପଠାଇବାରେ କାମ କରୁଛନ୍ତି । ଏହି କାର୍ଯ୍ୟ ପାଇଁ ଆଠଟି C-17, ଚାରିଟି IL-76, ଟେନ C-130, ଏବଂ 20 An-32 ବିମାନ, ଏବଂ Mi-17V5 ଏବଂ ଚିନୁକ୍ ହେଲିକପ୍ଟରଗୁଡିକ IAF ଦ୍ୱାରା ନିୟୋଜିତ ହୋଇଛି । ଏମାନେ ମିଳିତ ଭାବରେ 360 ଘଣ୍ଟାରୁ ଅଧିକ ସମୟ ଉଡାଣ ଭରିଛନ୍ତି । ଦେଶରେ ବିଭିନ୍ନ ଭାଗରେ କୋଭିଡ ସଂକ୍ରମଣ ବଢିବା ସହ ଅକ୍ସିଜେନ କମିବାରେ ଲାଗିଛି । ଫଳରେ ଅନେକ କୋଭିଡ ରୋଗୀ ଅକ୍ସିଜେନ ଓ ମେଡିକାଲ ଉପକରଣ ଅଭାବରୁ ଆଖି ବୁଜୁଛନ୍ତି ।


ସୂଚନାଯୋଗ୍ୟ, ଆଜି ଦେଶରେ 3 ଲକ୍ଷ 82 ହଜାର 315 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । 3780 ଜଣ କୋଭିଡ ଆକ୍ରାନ୍ତଙ୍କ ମୃତ୍ୟୁ ହୋଇଛି । ମୋଟ ସଂକ୍ରମିତ ସଂଖ୍ୟା ଦେଶରେ ଏବେ 2 କୋଟି 6 ଲକ୍ଷ ରୁ ଊର୍ଦ୍ଧ୍ବରେ ପହଞ୍ଚିଛି ।