ଚର୍ଚ୍ଚାରେ ନିମନ୍ତ୍ରଣ ପତ୍ର, ଭାଇରାଲ ହେଉଛି ବିବାହ କାର୍ଡରେ ଟାବଲେଟ

ଟାବଲେଟ ଆକୃତିର ବିବାହ କାର୍ଡ ପ୍ରସ୍ତୁତ କରି ଚର୍ଚ୍ଚାରେ ଦମ୍ପତି । ଇଣ୍ଟରନେଟରେ ଭାଇରାଲ ହେଉଛି ନିମନ୍ତ୍ରଣ କାର୍ଡ । ଅଧିକ ପଢ଼ନ୍ତୁ

ଚେନ୍ନାଇ: ଆପଣ ଭିନ୍ନ ଭିନ୍ନ ପ୍ରକାରର ବିବାହ ନିମନ୍ତ୍ରଣ କାର୍ଡ ଦେଖିଥିବେ । ଟାବ ଲେଟ ଭଳି କାର୍ଡ କେବେ ଦେଖିଛନ୍ତି କି ? ଆଜ୍ଞା ହଁ, ତାମିଲନାଡୁର ତିରୁଭନ୍ନମଲାଇ ଜିଲ୍ଲାରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଥିବା ଜଣେ ଦମ୍ପତି ଔଷଧ ଆକୃତିର ବିବାହ କାର୍ଡ ପ୍ରସ୍ତୁତ କରିଛନ୍ତି (Couples used tablet card model for wedding reception) । ଯାହା ସୋସିଆଲ ମିଡ଼ିଆ ରେ ବେଶ ଭାଇରାଲ ହେବାରେ ଲାଗିଛି ।

ତିରୁଭନ୍ନମଲାଇ ଜିଲ୍ଲାର ଏଲିଜାରାସନ ଏବଂ ଭିଲୁପୁରମ ଜିଲ୍ଲାର ବସନ୍ତକୁମାରୀ ଆସନ୍ତା ସେପ୍ଟେମ୍ବର ୨ ତାରିଖରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏଲିଜାରାସନ ଜଣେ ଫାର୍ମାସିଷ୍ଟ ଥିବାବେଳେ ବସନ୍ତକୁମାରୀ ନର୍ସ ଭାବେ କାର୍ଯ୍ୟରତ ଅଛନ୍ତି । ଉଭୟେ ସ୍ବାସ୍ଥ୍ୟ ବିଭାଗରେ କାମ କରୁଥିବାରୁ ଟାବଲେଟ କାର୍ଡ ମଡେଲରେ ନିମନ୍ତ୍ରଣ କାର୍ଡ ତିଆରି କରିଛନ୍ତି । ଯେଉଁଥିରେ ବିବାହ କାର୍ଯ୍ୟକ୍ରମ ନେଇ ସମସ୍ତ ତଥ୍ୟ ରହିଛି । ପିତାମାତାଙ୍କ ଠିକଣା, ପ୍ରୀତିଭୋଜନର ସମୟ ସହ ସବିଶେଷ ବିବରଣୀ ଉଲ୍ଲେଖ କରାଯାଇଛି । ନିମନ୍ତ୍ରଣ କାର୍ଡଟି ବର୍ତ୍ତମାନ ବେଶ ଭାଇରାଲ ହେବାରେ ଲାଗିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ