ବେଙ୍ଗାଲୁରୁ: ଆସନ୍ତାକାଲି ତଥା ଫେବୃଆରୀ 28 ତାରିଖରେ PSLV-C51ଲଞ୍ଚ ହେବାକୁ ଥିବା ବେଳେ ଏହି ମିଶନର ଶୁଭାରମ୍ଭ ପାଇଁ କାଉଣ୍ଟ ଡାଉନ୍ ଶନିବାର ଆନ୍ଧ୍ରପ୍ରଦେଶର ଶ୍ରୀହାରିକୋଟା ସ୍ଥିତ ସତୀଶ ଧାୱନ ସ୍ପେସ୍ ସେଣ୍ଟରରୁ ଆରମ୍ଭ ହୋଇଛି । ପାଣିପାଗ ପରିସ୍ଥିତିକୁ ଦୃଷ୍ଟିରେ ରଖି ଫେବୃଆୀ 28ରେ ଏହାର ଉତକ୍ଷେପଣକୁ ସ୍ଥିର କରାଯାଇଛି ।
PSLV-C51ରକେଟ ହେଉଛି PSLVର 53ତମ ମିଶନ । ରବିବାର ଏହା ବ୍ରାଜିଲରେ ନିର୍ମିତ ହୋଇଥିବା ଆମୋଜୋନିଆ-1 ସାଟେଲାଇଟକୁ ଉତକ୍ଷେପଣ କରାଯିବା ସହିତ 18ଟି ସହଯାତ୍ରୀ ଉପଗ୍ରହ ବା ସାଟେଲାଇଟକୁ ମଧ୍ୟ ଶ୍ରୀହରିକୋଟାରୁ ଉତକ୍ଷେପଣ କରାଯିବ । ଏଥିଲାଗି ଶନିବାରଠାରୁ କାଉଣ୍ଟଡାଉନ ଆରମ୍ଭ ହୋଇଯାଇଛି । PSLV-C51/ଆମାଜନିଆ -1 ହେଉଛି ISROର ବାଣିଜ୍ୟିକ ସଂସ୍ଥା 'ନ୍ୟୁ ସ୍ପେସ୍ ଇଣ୍ଡିଆ ଲିମିଟେଡ୍' (NSIL) ର ପ୍ରଥମ ଉତ୍ସର୍ଗୀକୃତ ବ୍ୟବସାୟିକ ମିଶନ ।