ନୂଆଦିଲ୍ଲୀ: ଦେଶରେ ହୁ ହୁ ହୋଇ ବଢିଚାଲିଛି ଡିଜେଲ ଓ ପେଟ୍ରୋଲ ଦର । ଅହେତୁକ ପେଟ୍ରୋଲ ଓ ଡିଜେଲ ଦର ବୃଦ୍ଧିକୁ କଂଗ୍ରେସ ବିରୋଧ କରିଛି । ଏନେଇ ଆଜି(ଶୁକ୍ରବାର) ସମସ୍ତ ପେଟ୍ରୋଲ ପମ୍ପ ଆଗରେ ବିକ୍ଷୋଭ ପ୍ରଦର୍ଶନ କରିଛି କଂଗ୍ରେସ ।
ଜାତୀୟ ରାଜଧାନୀ ଦିଲ୍ଲୀର ବିଭିନ୍ନ ସ୍ଥାନରେ ଥିବା ପେଟ୍ରୋଲ ପମ୍ପ ଆଗରେ କଂଗ୍ରେସର ପୱନ ବଂଶଲ,ସାଧାରଣ ସଚିବ କେ.ସି ଭେନୁଗୋପାଲ, ହରିଶ ରାୱତ ଏବଂ ଅଜୟ ମାକେନ ନେତୃତ୍ବରେ ବିକ୍ଷୋଭ ପ୍ରଦର୍ଶନ ହୋଇଛି । ଏହା ସହିତ ଧାରଣାରେ ବହୁ ବରିଷ୍ଠ ନେତା, ଗୌରବ ଗୋଗଇ,ଦେବେନ୍ଦ୍ର ଯାଦବଙ୍କ ଭଳି ବହୁ ଯୁବ ନେତା ସାମିଲ ହୋଇଛନ୍ତି ।