ନୂଆଦିଲ୍ଲୀ:ବହୁଚର୍ଚ୍ଚିତ ନ୍ୟାସନାଲ ହେରାଲ୍ଡ ଘୋଟାଲା ମାମଲାରେ ପୁଅ ତଥା କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପରେ ଜେରା ହେବେ ପାର୍ଟି ହାଇକମାଣ୍ଡ ସୋନିଆ ଗାନ୍ଧୀ । ରାହୁଲଙ୍କ ପରି ସୋନିଆଙ୍କ ପାଇଁ ମଧ୍ୟ ଦେଶବ୍ୟାପୀ ଦଳ ପ୍ରତିବାଦ କରିବ । ଗତକାଲି (ବୁଧବାର) ଦଳ ପକ୍ଷରୁ ଏକ ବୈଠକରେ ଏହି ନିଷ୍ପତ୍ତି ହୋଇଛି । ଜୁଲାଇ 21 ତାରିଖରେ ସୋନିଆ ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହେବେ । ଏହି ଦିନ ଦଳ ବିଜେପି ନେତୃତ୍ବାଧୀନ NDA ମେଣ୍ଟ ସରକାରର ବିରୋଧରେ ପ୍ରତିବାଦ କରିବ ।
ବିଜେପି ନେତୃତ୍ବାଧୀନ NDA ମେଣ୍ଟ ସରକାରର କ୍ଷମତାର ଅପବ୍ୟବହାର, ସାମ୍ବିଧାନିକ ଅନୁଷ୍ଠାନକୁ ରାଜନୈତିକ ଉଦ୍ଦେଶ୍ୟରେ ବ୍ୟବହାର କରୁଛନ୍ତି । ଉଦ୍ଦେଶ୍ୟମୂଳକ ଭାବେ ବିରୋଧୀଙ୍କୁ ଟାର୍ଗେଟ କରାଯାଉଥିବା ଦଳ ଅଭିଯୋଗ କରିଆସିଛି । ସେହିପରି ଗାନ୍ଧୀ ପରିବାର ବିରୋଧରେ ଏହି କାର୍ଯ୍ୟାନୁଷ୍ଠାନ ମଧ୍ୟ ରାଜନୈତିକ ଆକ୍ରୋଶ ବୋଲିି ଦଳ କହି ଆସିଛି । ଏହି ପ୍ରସଙ୍ଗରେ ଦଳ ମଧ୍ୟ ଜୁଲାଇ 18 ରୁ ଆରମ୍ଭ ହେଉଥିବା ମୌସୁମୀ ଅଧିବେଶନରେ ଗୃହରେ ମଧ୍ୟ ପ୍ରତିବାଦ କରିପାରେ ।