ଜୟପୁର:2024 ନିର୍ବାଚନ ଲାଗି ଗେହଲଟ ସରକାରଙ୍କ ପ୍ରସ୍ତୁତି ଆରମ୍ଭ । ଆସନ୍ତା 16 ତାରିଖରୁ ରାଜସ୍ଥାନରେ ନିର୍ବାଚନୀ ପ୍ରଚାର ଆରମ୍ଭ କରିବାକୁ ଯାଉଛି କଂଗ୍ରେସ । 'କାମ କିୟା ଦିଲ ସେ, କଂଗ୍ରେସ ଫିର ସେ' ସ୍ଲୋଗାନରେ କମ୍ପିବ ମଇଦାନ । ଆଜି (ରବିବାର) ରାଜ୍ୟ କଂଗ୍ରେସ ୱାର ରୁମରେ ଦଳୀୟ ବୈଠକ ଶେଷ ହେବା ପରେ ଏନେଇ ସୂଚନା ଦେଇଛନ୍ତି କଂଗ୍ରେସ ରାଜ୍ୟ ସଭାପତି ଗୋବିନ୍ଦ ସିଂ ଦୋତାଶ୍ରା ।
ରବିବାର ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଗୋବିନ୍ଦ କହିଛନ୍ତି, "ଦଳ ପୂ୍ର୍ବାଞ୍ଚଳ ରାଜସ୍ଥାନ କେନାଲ ପ୍ରକଳ୍ପ (ERCP) ଅଗ୍ରାଧିକାର ଦେବ । ଏହା ସହ ବାରାନ ଜିଲ୍ଲାରୁ ନିର୍ବାଚନୀ ପ୍ରଚାର ଆରମ୍ଭ କରି 12 ଜିଲ୍ଲାକୁ କଭର୍ କରିବ । ଯେଉଁଠାରେ ଏହି ପ୍ରକଳ୍ପ ଦ୍ବାରା ଅଞ୍ଚଳବାସୀଙ୍କୁ ପାନୀୟ ଜଳ ଓ ଚାଷଜମିରେ ଜଳସେଚନ ଲାଗି ପାଣି ଯୋଗାଇ ଦିଆଯିବ । ଦଳ 'କାମ କିୟା ଦିଲ ସେ, କଂଗ୍ରେସ ଫିର ସେ' ସ୍ଲୋଗାନରେ ଏହି ପ୍ରଚାର ଆରମ୍ଭ କରିବ । ଏହାସହିତ 12ଟି ଜିଲ୍ଲାରେ ଲୋକଙ୍କୁ ନେଇ ଜନସଭାର ମଧ୍ୟ ଆୟୋଜନ କରାଯିବ ।"
ଏହା ବି ପଢନ୍ତୁ- ତୃଣମୂଳ ସ୍ତରରୁ ଦଳକୁ ମଜବୁତ କରିବା ଲକ୍ଷ୍ୟ, ଜିଲ୍ଲା କଂଗ୍ରେସ କମିଟିର ବୈଠକ ଅନୁଷ୍ଠିତ