ନୂଆଦିଲ୍ଲୀ: ଗୁଜୁରାଟ ବିଧାନସଭା ନିର୍ବାଚନ ପାଇଁ ପାଗଭିଡା ଆରମ୍ଭ ହୋଇଛି । ଦିନ ଯେତିକି ପାଖଉଛି ପ୍ରସ୍ତୁତି ସେତିକି ବେଗରେ ଆଗଉଛି । ପ୍ରାର୍ଥୀ ତାଲିକା ଜାରି କରୁଛନ୍ତି ରାଜନୈତିକ ଦଳ । ଗୁରୁବାର ରାତିଆଧିଆ କଂଗ୍ରେସ ତାର ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଛି । ତାଲିକାରେ 46 ଜଣ ପ୍ରାର୍ଥୀଙ୍କ ନାମ ରହିଛି । ପୂର୍ବରୁ ନଭେମ୍ବର 1ରେ 43 ଜଣିଆ ପ୍ରାର୍ଥୀ ତାଲିକା ଜାରି କରିଥିଲା ଦଳ । ଗୁରୁବାର ଅପରାହ୍ନରେ ବିଜେପି ତାର ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଥିଲା । ଦୁଇଟି ପର୍ଯ୍ୟାକୁ ମିଶାଇ ଦଳ 89 ପ୍ରାର୍ଥୀଙ୍କ ନାମ ଘୋଷଣା କରିଛି ।
ଦ୍ବିତୀୟ ପର୍ଯ୍ୟାୟ ତାଲିକାରେ 17 ବିଧାୟକଙ୍କ ସମେତ 29ଜଣଙ୍କୁ ଦ୍ବିତୀୟ ସୁଯୋଗ ଦେଇଛି । ପଲିତାନାରୁ 2017 ନିର୍ବାଚନରେ ପ୍ରାର୍ଥୀ ହୋଇଥିବା ପ୍ରବୀଣ ଏକମାତ୍ର ପ୍ରାର୍ଥୀ ଯିଏକି ପୂର୍ବଥର ପରାସ୍ତ ହେବା ପରେ ବି ଦ୍ବିତୀୟ ଥର ପାଇଁ ଦଳ ତାଙ୍କ ଉପରେ ଭରସା କରିଛି । ସୁରତ ଇଷ୍ଟରୁ ଅସଲାମ ସାଇକେଲୱାଲା, ଉତ୍ତର ସୁରତରୁ ଅଶୋକଭାଇ ପଟେଲ ଏବଂ ଭଲସାଦରୁ କାମଲକୁମାରଙ୍କୁ ପ୍ରାର୍ଥୀ କରିଛି । 3 ମହିଳା ନେତ୍ରୀ ଲିମ୍ବାଡିରୁ କଳ୍ପନା କାରାମସିଭାଇ ମାକୱାନା, ଡେପିଆପାଡାପୁ ଜେରମାବେନ ସୁକଲାଲ ଏବଂ କାରଞ୍ଜରୁ ଭାରତୀ ପ୍ରକାଶ ପଟେଲଙ୍କୁ ପ୍ରାର୍ଥୀ କରିଛି ଦଳ ।