ଜୟପୁର:ବଦଳିବେ ଜାତୀୟ କଂଗ୍ରେସର ମଙ୍ଗୁଆଳ । ପରିବାରବାଦରୁ ପରିବର୍ତ୍ତନ ହୋଇପାରନ୍ତି ଜାତୀୟ କଂଗ୍ରେସର ଅଧ୍ୟକ୍ଷ । ତେବେ ରାଜସ୍ଥାନର ଉଦୟପୁରରେ କଂଗ୍ରେସର ଚାଲିଥିବା ଚିନ୍ତନ ଶିବିରରେ ଆଜି (ଶୁକ୍ରବାର) କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ଦଳର ବିକାଶ ଲାଗି ମୁଖିଆ ପରିବର୍ତ୍ତନ ହେବା ଆବଶ୍ୟକ ବୋଲି କହିଛନ୍ତି ।
ସେହିପରି ସାଧାରଣ ଲୋକେ ମଧ୍ୟ କଂଗ୍ରସର ଅଧ୍ୟକ୍ଷ ପରିବର୍ତ୍ତନ ନେଇ ଚାହୁଁଥିବା ସେ କହିଛନ୍ତି । ବର୍ତ୍ତମାନ ଆସିଛି ପରିବର୍ତ୍ତନ ହେବାର ସମୟ ବୋଲି ସୋନିଆ କହିଛନ୍ତି । ତେବେ ଦଳୀୟ ସଂଗଠନ ମଜବୁତ ସହ ଲୋକଙ୍କ ବିଶ୍ବାସଭାଜନ ହେବା ଲାଗି ଦଳ ଭିତରେ ପରିବର୍ତ୍ତନ ନିହାତି ଆବଶ୍ୟକ ବୋଲି ସେ କହିଛନ୍ତି ।