ନୂଆଦିଲ୍ଲୀ: ବିହାରରେ ଦଳର ପରାଜୟ ପରେ ତାମିଲନାଡୁ ଓ ଆସାମ ପାଇଁ ରଣନୀତି ପ୍ରସ୍ତୁତ କରୁଛି କଂଗ୍ରେସ । 2021ରେ ଆସାମ ଓ ତାମିଲନାଡୁରେ ବିଧାନସଭା ନିର୍ବାଚନ ହେବାକୁ ଥିବାବେଳେ ଆଜି ଦୁଇ ରାଜ୍ୟର ନେତାଙ୍କ ସହିତ କଥା ହେବେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ।
ଭର୍ଚୁଆଲ ବୈଠକରେ ରାହୁଲ ଦୁଇ ରାଜ୍ୟର କଂଗ୍ରେସ ନେତାଙ୍କ ସହିତ ଆଲୋଚନା କରିବେ । ଦୁଇ ରାଜ୍ୟର ଦଳର ସ୍ଥିତି ସମ୍ପର୍କରେ ରାହୁଲ ଆଲୋଚନା କରିବେ ବୋଲି ସୂଚନା ମିଳିଛି । ଏହାସହ ଆଗାମୀ ନିର୍ବାଚନ ପାଇଁ ଦଳ କିପରି ନିଜକୁ ପ୍ରସ୍ତୁତ କରୁଛି ସେନେଇ ମଧ୍ୟ ଆଲୋଚନା ହୋଇପାରେ ବୋଲି କୁହାଯାଉଛି ।