ନୂଆଦିଲ୍ଲୀ: କୋରୋନା କାଳରେ ଅନେକ ଲୋକ ନିଯୁକ୍ତ ହରାଇବା ଆରମ୍ଭ କରିଥିଲେ । ଏହା ଏପର୍ଯ୍ୟନ୍ତ ଜାରି ରହିଛି । ଅଧିକାଂଶ କମ୍ପାନୀ କୋରୋନା ମାଡ଼ରେ ବନ୍ଦ ହେବାରୁ ଲୋକେ ନିଯୁ୍କ୍ତି ହରାଇ କିଛି ବ୍ୟବସାୟ କରିଥିବା ବେଳେ କିଛି ବେକାର ହୋଇଛନ୍ତି । ଏହାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ସର୍ବଭାରତୀୟ କଂଗ୍ରେସ କମିଟି ଅଧ୍ୟକ୍ଷ ରାହୁଲ ଗାନ୍ଧୀ ।
ଆଜି(ରବିବାର) ଟ୍ବିଟ୍ କରି ରାହୁଲ ଗାନ୍ଧୀ କହିଛନ୍ତି ଯେ, "ବିଜେପି ସରକାରକୁ ମାନିବାକୁ ପଡ଼ିବ । ରବିବାର ଓ ସୋମବାର ମଧ୍ୟରେ ଥିବା ପାର୍ଥକ୍ୟକୁ ହିଁ ହଟାଇ ଦେଇଛି ଏହି ସରକାର । କାରଣ କାହା ପାଖରେ ନିଯୁକ୍ତି ହିଁ ନାହିଁ । ତ କ'ଣ ରବିବାର ବା କ'ଣ ସୋମବାର ।"
ଏହି ଟ୍ବିଟ୍ରେ ଏକ ଜଣାଶୁଣା ଖବରକାଗଜର କିଛି ଅଂଶକୁ ସେୟାର କରିଛନ୍ତି ରାହୁଲ ଗାନ୍ଧୀ । ଯେଉଁଥିରେ ଲେଖାଅଛି । UASର ଅଗ୍ରଣୀ ଅଟୋମୋବାଇଲ କମ୍ପାନୀ ଫୋର୍ଡ ଭାରତରେ କାର ତିଆରି କରିବା ବନ୍ଦ କରିବାକୁ ଯାଉଛି । ଏହାସହ ଦେଶରେ ୪ ହଜାର ଛୋଟ କମ୍ପାନୀ ବନ୍ଦ ହେବାକୁ ଯାଉଛି । ଏହାକୁ ନେଇ ବିଜେପି ସରକାରଙ୍କ ଉପରେ ବର୍ଷିଛନ୍ତି ରାହୁଲ ।