ଦରଦାମ ବୃଦ୍ଧି ବିରୋଧରେ ଅଭିଯାନ, ହେଲ୍ପଲାଇନ ନମ୍ବର ଜାରି କଲା କଂଗ୍ରେସ

ଦରଦାମ ବୃଦ୍ଧି ପ୍ରତିବାଦରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଆଜି(ରବିବାର)ଠାରୁ ଆରମ୍ଭ ହେବାକୁ ଥିବା କଂଗ୍ରେସର 'ଜନ ଜାଗରଣ ଅଭିଯାନ'ରେ ଯୋଗଦେବା ପାଇଁ ଦଳ ଏକ ନମ୍ବର ଜାରି କରିଛି । ଯେକୌଣସି ବ୍ୟକ୍ତି ଏଥିରେ 'ମିସ କଲ' ଦେଇ ଦରଦାମ ବୃଦ୍ଧି ବିରୋଧରେ ଏହି ଅଭିଯାନକୁ ସମର୍ଥନ କରିପାରିବେ।

ନୁଆଦିଲ୍ଲୀ: ଦେଶରେ ଆକାଶ ଛୁଆଁ ଦରଦାମ । ତୈଳଠୁ ଆରମ୍ଭ କରିବା ପନିପରିବା, ଏଲପିଜି ସବୁଥିରେ ମହଙ୍ଗା ମାଡ । ତେବେ ଏହି ଦରଦାମ ବୃଦ୍ଧି ପ୍ରତିବାଦରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଦରଦାମ ବୃଦ୍ଧି ପ୍ରସଙ୍ଗରେ ସରକାରଙ୍କ ବିରୋଧରେ 'ଜନ ଜାଗରଣ ଅଭିଯାନ' ଅଧୀନରେ କଂଗ୍ରେସ, ଏଥର ଲୋକଙ୍କୁ ଡିଜିଟାଲ୍ ଢଙ୍ଗରେ ନିଜ ସହ ଯୋଡିବ । ଆଜି(ରବିବାର)ଠାରୁ ଆରମ୍ଭ ହେବାକୁ ଥିବା ଏହି ଅଭିଯାନରେ ଯୋଗଦେବା ପାଇଁ ଦଳ ଏକ ନମ୍ବର ଜାରି କରିଛି । ଯେକୌଣସି ବ୍ୟକ୍ତି ଏଥିରେ 'ମିସ କଲ' ଦେଇ ଦଳର ଦରଦାମ ବୃଦ୍ଧି ବିରୋଧରେ ଏହି ଅଭିଯାନକୁ ସମର୍ଥନ କରିପାରିବେ।

ସାମ୍ବାଦିକମାନଙ୍କ ସହ କଥାବାର୍ତ୍ତା କରି କଂଗ୍ରେସର ସୋସିଆଲ ମିଡିଆ ବିଭାଗର ମୁଖ୍ୟ ରୋହନ ଗୁପ୍ତା କହିଛନ୍ତି ଯେ, ଯେକୌଣସି ବ୍ୟକ୍ତି 1800212000011ରେ ମିସ କଲ କରିପାରିବେ । ମିସ କଲ ଦେବା ଉପରେ ଲୋକମାନେ ଏକ SMS ପାଇବେ । ଏହା ସହିତ ଏକ ଡିଜିଟାଲ ମଧ୍ୟ ଫର୍ମ ଆସିବ । ଫର୍ମ ପୂରଣ କରି ଲୋକମାନେ 'ଜନଜଗରଣ ଅଭିଯାନ' ପାଇଁ ନିଜର ସମର୍ଥନ ଜଣାଇପାରିବେ ।

'ଜନ ଜାଗରଣ ଅଭିଯାନ' ଅଧୀନରେ କଂଗ୍ରେସ ନେତା ଓ କର୍ମୀମାନେ ଦେଶର ବିଭିନ୍ନ ଅଞ୍ଚଳରେ ପଦଯାତ୍ରା କରିବେ। ଜନସଂଳାପ ଏବଂ ଅନ୍ୟାନ୍ୟ ପ୍ରସାରଣ କାର୍ଯ୍ୟକ୍ରମ ମାଧ୍ୟମରେ ସେ ଯଥାସମ୍ଭବ ଲୋକଙ୍କ ନିକଟରେ ପହଞ୍ଚିବାକୁ ଚେଷ୍ଟା କରିବେ | ଏହି ଅଭିଯାନ ମାଧ୍ୟମରେ ବହୁ ସଂଖ୍ୟକ ଲୋକ, ବିଶେଷକରି ମହିଳାମାନେ ଦରଦାମ ବୃଦ୍ଧି ବିରୋଧରେ ଏହି ଆନ୍ଦୋଳନରେ ଯୋଡି ହେବା ହେଉଛି ଦଳର ପ୍ରୟାସ ।