ଭୋପାଳ: ଯେଉଁ ଯେଉଁ ରାଜ୍ୟକୁ କଂଗ୍ରେସ ଯାଇଛି ସେହି ରାଜ୍ୟକୁ ବର୍ବାଦ କରି ଦେଇଛି । କଂଗ୍ରେସ ତାର ସବୁ ଇଚ୍ଛାଶକ୍ତି ହରାଇଛି । କିଛି କଂଗ୍ରେସ ନେତା ମୁହଁରେ ତାଲା ମାରି ବସିଛନ୍ତି । ପ୍ରଥମେ କଂଗ୍ରେସ ବର୍ବାଦ ହେଲା ଏବେ ଅନ୍ୟ ଉପରେ ଭାର ଦେଇଛି । ଏବେ କଂଗ୍ରେସ ଏମିତି ଏକ କମ୍ପାନୀ ହୋଇଛି ସବୁଥିବେ ଆଉଟ୍ ସୋର୍ସ ହୋଇଛି । କଂଗ୍ରେସ କଣ୍ଟ୍ରାକ୍ଟ ଏବେ କିଛି ଅର୍ବାନ ନକ୍ସଲଙ୍କ ପାଖରେ ରହିଛି । ଭାଜପାକୁ ସର୍ବଦା ମଧ୍ୟପ୍ରଦେଶବାସୀ ଆର୍ଶୀବାଦ ଦେଇଛନ୍ତି । ଦେଶର ବିକାଶ ପାଇଁ ମଧ୍ୟପ୍ରଦେଶର ବିକଶିତ ହେବା ନିହାତି ଆବଶ୍ୟକ ଏନେଇ ଆସନ୍ତା 5 ବର୍ଷ ପାଇଁ ବିଜେପି କ୍ଷମତାକୁ ଆସିବାକୁ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମଧ୍ୟପ୍ରଦେଶ ଗସ୍ତ କରି ମୋଗା ରୋଡ ଶୋ କରିବା ସହିତ କଂଗ୍ରେସ ଉପରେ ବର୍ଷି ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଏହା ବି ପଢନ୍ତୁ...ମଧ୍ୟପ୍ରଦେଶକୁ 50,700 କୋଟିର ପ୍ରକଳ୍ପ ଭେଟି ଦେଲେ ପ୍ରଧାନମନ୍ତ୍ରୀ, INDIA ମେଣ୍ଟ ଉପରେ ବର୍ଷିଲେ
ଭୋପାଳରେ ଆୟୋଜିତ କାର୍ଯ୍ୟକର୍ତ୍ତା ମହାକୁମ୍ଭକୁ ସମ୍ଭୋଧିତ କରି ପ୍ରଧାନମନ୍ତ୍ରୀ କହିଛନ୍ତି,"ମଧ୍ୟପ୍ରଦେଶବାସୀ ଯେଉଁ ବିକାଶ ରାସ୍ତା ତିଆରି କରିଛନ୍ତି ସେହି ବିକାଶ ଗାଡି ଅଟକିବ ନାହିଁ । କଂଗ୍ରେସକୁ ରାଜସ୍ଥାନକୁ ସୁଯୋଗ ମିଳିଥିଲା ହେଲେ ସେ ରାଜ୍ୟକୁ ବର୍ବାଦ କରି ଦେଇଛନ୍ତି । ଦୁର୍ନୀତିକୁ ନମ୍ବର ୱାନ୍ କରିଛି । ମଧ୍ୟପ୍ରଦେଶର ବିକାଶ ପାଇଁ ଆଗାମୀ କିଛି ବର୍ଷ ଅନେକ ଗୁରୁତ୍ବପୂର୍ଣ୍ଣ । ଆଜି ଭାରତରେ ବିଶ୍ବରୁ ରାଜ୍ୟରୁ ନିବେଶ ଆସୁଛି । ମଧ୍ୟପ୍ରଦେଶକୁ ବିକଶିତ ରାଜ୍ୟ କରିବାକୁ ସମୟ ଆସିଛି ଏହି ସୁନ୍ଦର ସମୟରେ ଯଦି କଂଗ୍ରେସ ଭଳି ପରିବାରବାଦ ପାର୍ଟି ହଜାରୋ କୋଟି ଦୁର୍ନୀତ କରିଥିବା ଦଳକୁ ଟିକେ ବି ସୁଯୋଗ ମିଳେ ତେବେ ମଧ୍ୟପ୍ରଦେଶକୁ ବଡ଼ କ୍ଷତି ସହିବାକୁ ହେବ । କେବଳ ବିଧାନସଭା ନୁହେଁ ବୁଥସ୍ତରର ଜିତିବାକୁ ହେବ । ହୃଦୟ ଜିତିବାକୁ ହେବ ।"