ନୂଆଦିଲ୍ଲୀ:ଆଜି (ମଙ୍ଗଳବାର) 137ତମ ପ୍ରତିଷ୍ଠା ଦିବସ ପାଳନ କରୁଛି କଂଗ୍ରେସ । ପାର୍ଟି ମୁଖ୍ୟ କାର୍ଯ୍ୟାଳୟରେ ପ୍ରତିଷ୍ଠା ଦିବସ ପାଳନ ଅବସରରେ ଦେଖିବାକୁ ମିଳିଛି ଅଭାବନୀୟ ଘଟଣା । ଦଳର ହାଇକମାଣ୍ଡ ତଥା ସଭାନେତ୍ରୀ ସୋନିଆ ଗାନ୍ଧୀ ପତାକା ଉତ୍ତୋଳନ କରୁଥିବାବେଳେ ପତାକାଟି ଖସି ପଡିଥିଲା ।
Congress Foundation Day: ଉତ୍ତୋଳନ ବେଳେ ଖସିଲା ଦଳୀୟ ପତାକା
ଏହାପରେ, ପାର୍ଟି ମୁଖ୍ୟ ସୋନିଆ ଗାନ୍ଧୀ, ଦଳର କୋଷାଧ୍ୟକ୍ଷ ପୱନ ବଂଶଲ ଏବଂ ସାଧାରଣ ସମ୍ପାଦକ କେ.ସି ବେଣୁଗୋପାଲଙ୍କ ସହ କିଛି ସମୟ ହାତରେ ପତାକା ଧରି ଛିଡା ହୋଇଥିବା ମଧ୍ୟ ଦେଖିବାକୁ ମିଳିଥିଲା । ତେବେ ପତାକାକୁ ସେହିପରି ଭାବେ ପ୍ରଦର୍ଶିତ କରାଯିବା ପର କିଛି ସମୟ ମଧ୍ୟରେ ସୋନିଆ ସେଠାରୁ ଫେରିଯାଇଥିଲେ ।