ଚଣ୍ଡିଗଡ: ପଞ୍ଜାବ କଂଗ୍ରେସର ନୂଆ ମୁଖିଆ ହେଲେ ଅମରିନ୍ଦର ସିଂ ବ୍ରାର(ରାଜା ୱାରିଂ) । ସଦ୍ୟ ସମାପ୍ତ ବିଧାନସଭା ନିର୍ବାଚନରେ ରାଜ୍ୟରେ କଂଗ୍ରେସର ଶୋଚନୀୟ ପରାଜୟ ପରେ ପୁଣି ଅଣ୍ଟା ସଳଖୀ ଠିଆ ହେବା ପାଇଁ ଦଳରେ ବଡଧରଣର ପରିବର୍ତ୍ତନ କରାଯାଇଛି । ନବଜୋତ ସିଂ ସିଦ୍ଧୁଙ୍କ ସ୍ଥାନରେ ତିନି ଥରର ବିଧାୟକ ଅମରିନ୍ଦର ସିଂ ବ୍ରାରଙ୍କୁ(Amrinder Singh Brar) ପଞ୍ଜାବ କଂଗ୍ରେସର ମୁଖ୍ୟ(PPCC) ଭାବେ ନିଯୁକ୍ତ କରିଛନ୍ତି କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧୀ ।
ସେହିପରି ପୂର୍ବତନ ସାଂସଦ ପ୍ରତାପ ସିଂ ବାଜଓ୍ବାଙ୍କୁ ବିଧାୟକ ଦଳର ମୁଖ୍ୟ ଭାବେ ନିଯୁକ୍ତ କରାଯାଇଛି । ରାଜ୍ୟ କଂଗ୍ରେସର କାର୍ଯ୍ୟକାରୀ ସଭାପତି ଭାବେ ଭାରତ ଭୂଷଣ ଆସୁ ଓ ରାଜ କୁମାର ଚାବେରଓ୍ବାଲଙ୍କୁ ବିରୋଧି ଦଳର ଉପନେତା ଭାବେ ନିଯୁକ୍ତ କରାଯାଇଛି । ଅଲ୍ ଇଣ୍ଡିଆ କଂଗ୍ରେସ କମିଟି (AICC) ତରଫରୁ ଏକ ବିବୃତ୍ତି ଜାରି କରାଯାଇ ଏହି ସୂଚନା ଦିଆଯାଇଛି ।