ଅହମ୍ମଦାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ 'ରାବଣ' ସହ ତୁଳନା କରିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ଗତକାଲି (ସୋମବାର) ଖଡଗେ ଗୁଜୁରାଟରେ ଏକ ସାଧାରଣ ସଭାକୁ ସମ୍ବୋଧିତ କରିବା ସମୟରେ ପ୍ରଧାନମନ୍ତ୍ରୀ ମୋଦିଙ୍କୁ ରାବଣଙ୍କ ସହ ତୂଳନା କରିଥିଲେ । ମୋଦି କ’ଣ ରାବଣ ବୋଲି ପ୍ରଶ୍ନ କରିିଥିଲେ ମଲ୍ଲିକାର୍ଜୁନ । ଏହି ମନ୍ତବ୍ୟ ପରେ ବିଜେପି ଖଡଗେ ଓ କଂଗ୍ରେସ ଉପରେ ବର୍ଷିଛି (Mallikarjun Kharge Comparing PM Modi to Ravana) ।
ଜନସଭାରେ ଖଡଗେ କହିଥିଲେ, ପ୍ରଧାନମନ୍ତ୍ରୀ ପ୍ରାୟତଃ ସବୁ ପ୍ରକାର ନିର୍ବାଚନରେ ପ୍ରଚାର କରି ଭୋଟ ମାଗୁଛନ୍ତି । ପ୍ରତ୍ୟେକ ଥର ସେ ତାଙ୍କୁ ଦେଖି ଭୋଟ ଦେବାକୁ ନିବେଦନ କରୁଛନ୍ତି । ତେବେ ଲୋକେ ତାଙ୍କର କେତେଟା ଚେହେରା ଦେଖିବେ ? ପ୍ରଧାନମନ୍ତ୍ରୀ ମୋଦିଙ୍କର 100ଟି ମୁଣ୍ଡ ଅଛି କି ବୋଲି ଖଡଗେ ପ୍ରଶ୍ନ କରିଥିଲେ ।