ନୂଆଦିଲ୍ଲୀ:ଶୀତରେ ଥରୁଛି ରାଜଧାନୀ ଦିଲ୍ଲୀ । ଉତ୍ତର ଭାରତର କିଛି ଅଞ୍ଚଳରେ ପ୍ରବଳ ଥଣ୍ଡା ଜାରି ରହିଛି । କେତେକ ସ୍ଥାନରେ ରାତିର ତାପମାତ୍ରା 5 ଡିଗ୍ରୀ ସେଲସିୟସ୍ ତଳେ ରହୁଛି । ପ୍ରବଳ ଶୀତ ସହ କୁହୁଡିର ପ୍ରବାହ ମଧ୍ୟ ଜାରି ରହିଛି । ଆଗାମୀ କିଛି ଦିନ ପାଇଁ ଏହିପରି ପାଗ ଦିଲ୍ଲୀରେ ରହିବ ବୋଲି ଭାରତୀୟ ପାଣିପାଗ ପକ୍ଷରୁ ସୂଚନା ମିଳିଛି ।
ଦିଲ୍ଲୀରେ ଜାରି ରହିଛି ଶୀତ
ତାମିଲନାଡୁ, ପୁଡୁଚେରୀ, କେରଳ, ଉପକୂଳ ଆନ୍ଧ୍ରପ୍ରଦେଶ ଏବଂ କର୍ଣ୍ଣାଟକର ବିଭିନ୍ନ ଅଞ୍ଚଳରେ ବର୍ଷା ହେବାର ସମ୍ଭାବନା ରହିଛି । ବର୍ଷା ଓ ତୁଷାରପାତ ସମ୍ଭାବନା ଥିବାରୁ ଭାରତୀୟ ପାଣିପାଗ ବିଭାଗ ପକ୍ଷରୁ ସର୍ତକ ସୂଚନା ଜାରି କରାଯାଇଛି । ଆଗାମୀ ଦୁଇଦିନ ଭିତରେ ପବନର ଦିଗ ପରିବର୍ତ୍ତନ ହେବା ସହ ତାପମାତ୍ରା ବୃଦ୍ଧି ପାଇବ ବୋଲି କହିଛି ଭାରତୀୟ ପାଣିପାଗ ବିଭାଗ । ପଞ୍ଜାବ, ହରିୟାଣା ଓ ଚଣ୍ଡିଗଡରେ କିଛି ଦିନ ଧରି ପ୍ରବଳ ଶୀତ ଜାରି ରହିଛି । ରାତ୍ରୀର ତାପମାତ୍ରା 10ଡିଗ୍ରୀରୁ କମ ରହୁଛି ।