ନୂଆଦିଲ୍ଲୀ:ଜମ୍ମୁ କାଶ୍ମୀର ପୁଞ୍ଚ ସେକଟରରେ ଆତଙ୍କବାଦୀଙ୍କ ଗୁଳିରେ ଶହୀଦ ହୋଇଥିଲେ ୪ ଜଣ ଯବାନ । ଶହୀଦ ଯବାନମାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ସୁପ୍ରିମକୋର୍ଟ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ । ବଡ଼ଦିନରେ ନୂଆଦିଲ୍ଲୀରେ ଆୟୋଜିତ ଏକ ସମାରୋହରେ ସାମିଲ ହୋଇ ଜଷ୍ଟିସ ଚନ୍ଦ୍ରଚୂଡ଼, ପୁଞ୍ଚରେ ଶହୀଦ ଯବାନମାନଙ୍କୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ଶୋକ ସନ୍ତପ୍ତ ପରିବାର ସଦସ୍ୟଙ୍କ ପ୍ରତି ସମବେଦନା ଜଣାଇଛନ୍ତି । ଖ୍ରୀଷ୍ଟମାସରେ ସେନା ବାହାନୀ ଏବଂ ସୀମାରେ ସଜାଗ ରହିଥିବା ଯବାନମାନଙ୍କ ପାଇଁ ଉତ୍ସବ ମନାଇବା ସପକ୍ଷରେ ମତ ଦେଇଛନ୍ତି ସିଜେଆଇ ।
ଏହା ମଧ୍ୟ ପଢ଼ନ୍ତୁ: ମୁହଁ ଖୋଲିଲେ ନୀତିଶ କୁମାର: 'ପିଏମ୍ ପଦ ପାଇଁ ଲୋଭ ନାହିଁ'
ଆଜି ଖ୍ରୀଷ୍ଟମାସ ଅବସରରେ ଦିଲ୍ଲୀରେ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ ସୁପ୍ରିମକୋର୍ଟ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ । ଆଜିର ଦିନରେ ଜମ୍ମୁ କାଶ୍ମୀରର ପୁଞ୍ଚ ସେକଟରରେ ଆତଙ୍କବାଦୀଙ୍କ ଗୁଳିରେ ଶହୀଦ ହୋଇଥିବା ୪ ଜଣ ଯବାନଙ୍କ କଥା ମନେ ପକାଇଛନ୍ତି ସିଜେଆଇ । ସେ ପୁଞ୍ଚରେ ଶହୀଦ ଯବାନମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସିଜେଆଇ ଚନ୍ଦ୍ରଚୂଡ଼ କହିଛନ୍ତି ଯେ, ଦେଶର ସୁରକ୍ଷା ପାଇଁ ପ୍ରାଣବଳୀ ଦେଉଛନ୍ତି ଶହ ଶହ ଯବାନ । ନିଜ ଜୀବନକୁ ବାଜି ଲଗାଇ ଯବାନମାନେ ସୀମାରେ ସଜାଗ ରହିବା ସହ ଦେଶ ପାଇଁ ସେବା ପ୍ରଦାନ କରୁଛନ୍ତି । ସେହିଭଳି ଆମେମାନେ ମଧ୍ୟ ଦେଶ ଏବଂ ଜାତି ପାଇଁ ସବୁ କିଛି ଉତ୍ସର୍ଗ କରିବା ଉଚିତ । ଆଜି ଆମେ ଯେପରି ପବିତ୍ର ଖ୍ରୀଷ୍ଟମାସ ପାଳନ କରୁଛନ୍ତି, ସେହିପରି ଦେଶ ପାଇଁ ବଳୀଦାନ ଦେଇଥିବା ଯବାନମାନଙ୍କୁ ଭୁଲି ଯିବା ଅନୁଚିତ ।