ଶ୍ରୀନଗର:କାଶ୍ମୀରର ଦୁଇଟି ସ୍ଥାନରେ ଦୁର୍ବୃତ୍ତଙ୍କ ଗୁଳିମାଡ । ଏଥିରେ ଜଣେ ସ୍ଥାନୀୟ ବାସିନ୍ଦାଙ୍କ ମୃତ୍ୟୁ ହୋଇଥିବା ବେଳେ ଦ୍ବିତୀୟ ଘଟଣାରେ ଜଣେ ପ୍ରବାସୀ ଶ୍ରମିକ ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ବୁଦ୍ଧଗାମ ଜିଲ୍ଲାର ଗୋଟପୋରା ଅଞ୍ଚଳରେ ହୋଇଥିବା ଗୁଳିମାଡରେ ଜଣେ ସାଧାରଣ ନାଗରିକ ପ୍ରାଣ ହରାଇଛି ।
ଆଜି (ସୋମବାର) ସନ୍ଧ୍ୟାରେ ଏହି ଗୁଳିକାଣ୍ଡ ଘଟିଥିବାବେଳେ ପ୍ରାଣ ହରାଇଥିବା ସ୍ଥାନୀୟ ବସିନ୍ଦା ତାଜାମୁଲ ମୋହିଉଦ୍ଦିନ ନାମକ ଜଣେ ସ୍ଥାନୀୟ ବ୍ୟକ୍ତି ହୋଇଥିବା ପୋଲିସ କହିଛି । ସ୍ଥାନୀୟ ପୋଲିସ ଅଧୀକ୍ଷକ ଗଣମାଧ୍ୟମକୁ କହିଛନ୍ତି ଯେ ଗୁଳିକାଣ୍ଡ ପରେ ମୋହିଉଦ୍ଦିନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।