ପାଟନା:ବିହାରରେ ମୁଖ୍ୟମନ୍ତ୍ରୀ ତଥା ଯେଡିୟୁ ମୁଖ୍ୟ ନୀତିଶ କୁମାରଙ୍କ ଇସ୍ତଫା ପରେ ନୀତିଶଙ୍କୁ ସିଧା ଟାର୍ଗେଟ କରିଛନ୍ତି ଜନ ଲୋକଶକ୍ତି ପାର୍ଟି (LJP) ନେତା ଚିରାଗ ପାଶଓ୍ବାନ । ସେ ସିଧାସଖଳ ନୀତିଶଙ୍କୁ ଟାର୍ଗେଟ କରିବା ସହ ରାଜ୍ୟରେ ପୁଣି ଥରେ ରାଷ୍ଟ୍ରପତି ଶାସନ ଲାଗୁ କରିବା ସହିତ ନିର୍ବାଚନ ପାଇଁ ମଧ୍ୟ ଦାବି କରିଛନ୍ତି । ଗତ ବିଧାନସଭା ନିର୍ବାଚନରେ ନୀତିଶଙ୍କ ଆସନ ସଂଖ୍ୟା କମ କରିବାରେ ତାଙ୍କ ପାର୍ଟିର ବଡ ଭୂମିକା ରହିଥିବା ମଧ୍ୟ କହିଛନ୍ତି ଚିରାଗ ।
ଚିରାଗ କହିଛନ୍ତି, ‘‘ଗତ ବିଧାନସଭା ନିର୍ବାଚନରେ ନୀତିଶଙ୍କ ଦଳ ଜେଡିୟୁ ମାତ୍ର 43 ଆସନରେ ଜିତିବାରେ ସକ୍ଷମ ହୋଇଥିଲା । ଏବେ ନିର୍ବାଚନ ହେଲେ ନୀତିଶ ଶୂନ୍ୟ ସିଟ ଜିତିବେ । ନୀତିଶଙ୍କ ମୁଖ୍ୟମନ୍ତ୍ରୀଙ୍କ ସମୟରେ ବିହାରରେ କୌଣସି ବିକାଶମୂଳକ କାର୍ଯ୍ୟକ୍ରମ ହାତକୁ ନିଆଯାଇନାହିଁ । ବିଧାନସଭା ନିର୍ବାଚନ ପରେ ସେ କୌଣସି ସମୟରେ ବିଜେପି ହାତ ଛାଡି ପୁଣି ଫେରିପାରନ୍ତି ବୋଲି ମୁଁ କହିଥିଲି, ତାହା ଆଜି ସତ୍ୟ ପ୍ରମାଣିତ ହୋଇଛି ।’’